martes, 28 de xaneiro de 2020

A BALADA DOS UNICORNIOS, 4ºA+B

Ledicia Costas, con esta novela que foi Premio Lazarillo no 2017, introdúcenos nun universo de fantasía onde o amor convive con sentimentos tan  desgarradores como o odio ou a vinganza.
A Escola de Artefactos e Oficios acolle os mozos e mozas máis brillantes. Son capaces de crear casas motorizadas, sombreiros voadores e outras proezas abraiantes.Ágata McLeod é unha das mellores alumnas, pero hai moitas cousas que descoñece da institución... e do seu pasado. A inventora terá que viaxar á orixe do mundo nunha travesía ateigada de aventuras e perigos.
Tamén temos a ficha de lectura.

martes, 21 de xaneiro de 2020

VERDADE, 3º A+B

Terminada a primeira parte, imos pola segunda.
Despois de ser absolto do cargo de asasinato, do que fora inxustamente acusado con 14 anos, e de demostrar a súa inocencia, Éric sae do Correccional de Menores. Con todo, a reinserción nunha sociedade cargada de prexuízos vaille resultar aínda máis dura.
Xenia axudoulle a superar unhas barreiras que lle parecían infranqueables, pero será o amor unha forza suficiente para superar as dificultades agora?

luns, 20 de xaneiro de 2020

NÓS TAMÉN QUEREMOS, BOOK TRAILER






Algunha axuda máis aquí

WONDER, LA LECCIÓN DE AUGUST - 2º A+C

Continuamos coa lectura de La lección de August de R. J. Palacio.
August sae pouco, pero este ano todo vai cambiar; vai ir, por primeira vez, á escola. Alí aprenderá a lección máis importante da súa vida: crecer na adversidade, aceptarse tal como é, sorrir aos días grises e saber que, ao final, sempre atopará unha man amiga.
Podemos empezar a ler aquí ou descargar unha guía de lectura.

luns, 13 de xaneiro de 2020

A PRAIA DOS AFOGADOS, ADULTOS


A novela de Domingo Villar Vázquez parte dun descubrimento estarrecedor. Unha mañá, o cadáver dun mariñeiro aparece nunha praia coas mans atadas cunha brida de plástico. Sen testemuñas nin rastro da embarcación do finado, o inspector Leo Caldas mergúllase no ambiente mariñeiro para tratar de clarexar o crime entre homes e mulleres que recean de desvelar as súas sospeitas e que, cando deciden falar, apuntan nunha dirección insólita de máis.
No vídeo que segue temos a charla entre o autor e alumnos de 2º Bach na biblioteca do IES de Porto do Son.


Ata temos o trailer da película que tamén podemos ver.

A Praia Dos Afogados - TRAILER galego from Tornasol Films on Vimeo.

domingo, 12 de xaneiro de 2020

REBELDE, 1º B

Trala lectura de Rebelde, algún alumno do grupo pasou á ilustración.
ADRIÁN PEREIRA