PLATAFORMA DE PRÉSTAMO DIXITAL

A plataforma de lectura dixital E-LBE.2 enriqueceu o seu catálogo con varios centos de novos fondos, en diversos formatos (Epub, audiolibros, podcasts…) e diferentes linguas.

Como xa sabedes, para entrar precisades a identificación e a chave de acceso. Se esquecestes estes datos, mirade no taboleiro da aula ou preguntádelle ao voso coordinador do club de lectura.

EXCURSIÓN

E mañá, 26 de maio, temos prevista a excursión que pecha a actividade deste curso. Cara Á Guarda viaxarán 99 alumnos e 5 profesores para realizar:

• Unha visita ao castro de Santa Trega dende onde poderán apreciar a desembocadura do río Miño.
• Unha ruta polo casco antigo.
• Unha andaina pola ruta das cetarias (5 km) ata  a praia “Area Grande”.
• Unha xornada de praia.

Contarémosvos que tal resultou este fin de festa co que pechamos as actividades do club e premiamos aos que, semana a semana, se reuniron para festexar a lectura.

COMO NON LER?

Gianni Rodari, na súa obra “La escuela de la fantasía”, aporta unha clara e interesante reflexión acerca de cómo podemos contribuír a que os nenos detesten a lectura. Fai unha clasificación en nove apartados que sinalamos de seguido.

1. Presentar o libro como unha alternativa á televisión.
2. Presentar o libro como unha alternativa á historieta.
3. Dicirlles aos nenos de hoxe que os nenos doutra época lían máis.
4. Considerar que os nenos teñen demasiadas distracións.
5. Botarlle a culpa aos nenos se non aman a lectura.
6. Transformar o libro nun instrumento de tortura: ás veces, hai tarefas coas que imos engadindo dificultades á lectura en lugar de facilitala. Fan que o libro de lectura deixe de ser divertido, deixe de interesar, de conmover. O libro que entra na escola como un esquema de rendemento escolar, non se converte en algo fermoso, senón en algo que serve ao mestre para expresar un xuízo.
7. Negarse a lerlle ao neno.
8. Non ofrecer unha opción suficiente.
9. Ordenar ler.

O que temos é que crear as condicións para que os nenos lean. O amor á lectura non é unha técnica é algo moito máis interior vinculado á vida.

PUNTUACIÓN

 

MEDRAMOS!!!!!!!!!

Encantados este curso coa resposta entusiasta do alumnado. Aos 10 grupos de Secundaria, súmase un en 6º de Primaria!

E aínda pode haber máis cambios pois sabemos que algún profe máis está interesado.

SEGURIDADE NA REDE

"EmPEZamOZ KoN HuMoR!!!!!"

Algún que non o faga?????????????

OS MÁIS LIDOS POLOS CLUBS NO 20-21

Como en anos anteriores, trala revisión das memorias dos Clubs de lectura do curso 2020/2021, pódese coñecer a relación dos 50 títulos máis lidos polos clubs nese período.

POR FIN!!!

Isto vai collendo cara!!!!

Oito profes, oito grupos e o de adultos que parece que esperta por contaxio. Xa fixemos as reunións para elixir as primeiras lecturas e iniciamos cunha distribución que sabemos mudará ao longo do curso:

• Elena: 1º A - Bone.
• Cristina: 1º B - Pequeñas cosas.
• Katia: 1º C - Esmeraldina.
• Antía: 1º D - Memorias dun neno labrego.
• Gabriela: 2º A - Invisible.
• Esther: un mix de alumnos de 2º B, 2º C, 3º B e 3º C - Asterix e Cleopatra.
• Xoán: 4º A - Enderezo descoñecido.
• Conchi: 4º B - O círculo escarlata.
• Adultos: Los días perfectos de Jacobo Bergareche.

Estamos entusiasmados coa resposta e non queremos perder a ninguén polo camiño. A ver se o conseguimos.

ATENTOS QUE COMEZAMOS

Pregunta na biblioteca

ABUR!

 

A nosa equipaxe de verán vai chea de ilusións, experiencias por vivir e... libros!!!

Toca agora gozar do descanso merecido.

Vémonos en setembro.

DESPEDIDA E EXCURSIÓN

Como cada ano, rematamos a nosa experiencia lectora cunha xornada de convivencia entre os clubs chea de actividades.

A petición do alumnado, marchamos a un paintball en Vigo onde descargar adrenalina evitando contactos. Temos que recoñecer que, a pesar das nosas dúbidas, foi un éxito.

Para ver máis fotos clicade na imaxe

23 DE ABRIL, DÍA DO LIBRO

 A expo da biblioteca estanos agardando e as actividades que biblogcaniza agocha baixo a etiqueta Día libro, tamén.

OS 40 MÁIS LIDOS NO 2019/2020

Xa coñecemos a lista dos títulos máis lidos nos clubs de lectura, así como o número de lectura realizadas de cada autor ou autora, tendo en conta as diferentes obras lidas de cada un deles.

ORGANIZÁMONOS

Estamos case a punto e, ante a tímida resposta, contamos con tres grupos, un en 1º da ESO, outro en 2º e outro en 4º.

Organizamos a coordinación dos grupos alternando a actividade entre nós. Deste xeito comeza Esther con 1º, Elena con 2º e Conchi con 4º. En canto rematen as lecturas, serán substituídas por Irene, Belén, César e Zaixega.

Como ademais haberá baixas, estes grupos poderán modificarse segundo as necesidades.

PREPARÁNDONOS. ATENTOS

 

25 NOVEMBRO

Durante esta semana, os clubs de lectura desenvolverán actividades relacionadas co día.
Algunha delas:

• Lectura do cómic Pillada por ti.

• Selección de lecturas, vídeos e/ou música cos que elaborar taboleiros temáticos. Como aperitivo...

Coa versión realizada por Dario DK para o CPI de Mondariz.

OBRADOIRO DE CONTOS DE MEDO

Comezamos con excursións!!!

O xoves 24 visitamos o Museo Etnolóxico de Ribadavia para realizar un taller sobre contos de mortos, aparecidos, santa compaña...

Compartimos co alumnado dos IEs da Cañiza e Ribadavia e combinamos análise, creación  e reinvención. Puxo o peche a actuación de Brais das Hortas.

 

CONCURSO DÍA DA BIBLIOTECA

Máis información aquí.

EN MARCHA!!!