A VELLIÑA VELLA, 1º

Xa podemos ver aos artistas.

LETRAS GALEGAS, 2026

Neste programa especial, o club de 3º entrevistou á profesora de galego.

DE EXCURSIÓN

Fixemos o fin de festa no Fornelos Wake CLub, con actividades de aventura. A pesar de que o día estivo frío, as ganas de pasalo ben e de compartir unha xornada diferente puideron máis que as baixas temperaturas.

A MIÑA LINGUA, A MIÑA IDENTIDADE

Creados polo alumnado de 1º da ESO

 

COS TÍTULOS CREAMOS HISTORIAS, 4AC

Partindo de títulos literarios, os clubs de 4º construíron unha historia e con ela un vídeo. Aquí algún exemplo.

AINHOA DE AMORIN, 4C

ARIADNE RODRÍGUEZ, 4C

LUCÍA PEREIRA, MARÍA GIRÁLDEZ, 4A

MIREYA SALAZAR, 4A

A SOMBRA DESCALZA, 4AB

¡O club de lectura de 3º de ESO xa ten novo reto! Este mes mergúllanse nas páxinas de "A sombra descalza", unha das obras máis emotivas e premiadas da escritora viguesa An Alfaya.

A novela lévanos da man de Elsa, quen tras unha morte na familia, comeza a tirar dun fío cheo de segredos, ausencias e silencios que doen. É unha historia sobre a memoria, sobre descubrir quen foron realmente os nosos antepasados e como as súas vidas configuran quen somos nós hoxe.

Mentres ledes, ide pensando: ata que punto coñecemos a historia da nosa propia familia? É mellor saber a verdade, aínda que doa, ou vivir no silencio?

Guía lectura.

EL FARO DE LOS ACANTILADOS, 3A

José Luis Martín Nogales soubo empregar moi ben os seus coñecementos como profesor de Literatura, para trenzar a trama desta novela. Nela aproveita o desenvolvemento dos acontecementos, para levar aos lectores a obras literarias clásicas.

Nun pequeno pobo do norte, mentres o país se atopa sumido en plena Guerra Civil, un mestre desaparece sen deixar rastro. Os seus alumnos, Branca, Yago, Fátima e David, non se resignan á ausencia e comezan a súa procura, sen ser conscientes de onde se meten.

Un caderno con escritos do mestre, os seus libros con anotacións e o misterioso farero achegarán pistas. A través dos libros irán coñecendo ao que era o seu mestre e serán seducidos polo rumoreo da literatura.

Para contextualizar axudará este vídeo.

Fichas de lectura.

Comezamos a ler.

A VELLIÑA VELLA, 1º

A profesora de galego, Jessica, que ademais leva o club de 3BC, propúxolle aos clubs de 1º transformar A velliña Vella, de Risco, nunha banda deseñada.

A ver con que nos sorprenden.

GAÑADORAS ENFIANDO VERSOS, IV

A participación foi moi proveitosa, pois cinco das seis gañadoras pertencían a algún dos clubs de lectura.

GAÑADORES ENFIANDO VERSOS IV, 2025-2026 de MEPP

DÍA DO LIBRO, 2026

Os bookfaces participantes no concurso xa poden verse na exposición. Ata podedes elixir o mellor. Pode ser un dos vosos.

EL ORDENADOR ASESINO, 2BC

Este grupo copia a primeira lectura de 1º C: El ordenador asesino, do autor francés Christian Grenier.

¿Pode asasinar un ordenador? Trala lectura desta novela que conxuga ciencia-ficción, relato policíaco e suspense, poderemos resolver a cuestión.

DÍA DO LIBRO, 2026

BOOKFACE, DÍA DO LIBRO 2026 de MEPP

Aquí tedes exemplos de cursos anteriores.

ENFIANDO VERSOS, IV

ENFIANDO VERSOS IV (A) de MEPP

DIARIO DE GREG 10, 1A

Mergullámonos nesta décima aventura, na que Greg se enfronta a unha situación moi diferente: intentar vivir durante un tempo como se fose “á vella escola”, é dicir, sen tanta tecnoloxía nin comodidades modernas.

Seriamos capaces de pasar unha semana enteira sen móbil, videoxogos ou internet?

Estes vídeos poden ser un punto de partida interesante para entender o estilo: moito humor, situacións incómodas e aventuras na vida diaria dun rapaz que intenta sobrevivir á escola e á familia.

 

JULES VERNE E A VIDA SECRETA DAS MULLERES PLANTA, 1C

Ledicia Costas convídanos a unha viaxe que parte dun feito real: a visita do xenio francés á cidade de Vigo, en 1884.

O 21 de maio de 1884 Jules Verne chegou a Vigo a bordo do seu impoñente iate. O afamado novelista levaba moito tempo atrás da pista das misteriosas mulleres planta. Lograría por fin, logo de tantos anos de busca, atopalas naquela baía? Na botica do vello Philipot custódiase un importante segredo: alí, aparentando normalidade, viven a avoa Melisa e Violeta, dúas mulleres rodeadas dun halo de misterio. A chegada de Jules Verne á botica revolucionará as vidas desta singular familia. O tempo esgótase: a avoa Melisa está enferma e necesitan atopar unha cura. Mais hai ocasións en que non se pode loitar contra a forza da natureza. Jules Verne e a vida secreta das mulleres planta é unha homenaxe ás novelas de aventuras, unha viaxe no tempo cargada de maxia onde todo é posible.

Guía de lectura

Na seguinte entrevista, a autora explica o proceso de creación da novela e a mestura de realidade histórica e fantasía.

La Aventura del Saber. TVE. Ledicia Costas. 'Verne y la vida secreta de las mujeres planta'

 

  En Historias de papel (RNE), a escritora conversa sobre a homenaxe que esta novela lle rende a Vigo, aos libros de aventuras e ao propio Jules Verne.

O CENTRO DO LABIRINTO, 3B+C

Con esta novela, Agustín Fernández Paz ubícanos no 2054. Será tan diferente?

A mediados do século XXI, a doutora Sara Mettmann, membro da organización que rexe os destinos de Europa desde a sombra, viaxa a Galicia acompañada polo seu fillo David. A misteriosa desaparición de David será o inicio dunha cadea de desconcertantes sucesos que, coma un estraño pesadelo, acabará arrastrándoos a unha aventura que cambiará para sempre as súas vidas e talvez o destino da humanidade.

KNOLLING LITERARIO DE MENTIRA

Transformamos lecturas co Knolling literario.

Mirian, 4º C

Samuel, 4º C

 

INVISIBLE, 1A

Os alumnos deste club xogaron co título para recoller o que o libro lles transmitiu. Aquí algún exemplo.

Gabriel Benito Blanco, 1º ESO A

Gabriel Mota González, 1º ESO C

FUXE SEN MIRAR PARA ATRÁS, 4B

Velocidade, aventura, vertixe, mareo, pánico, dor.... dúas semanas chegan para cambiarlle a vida a Enrique, o protagonista.

E como di Héitor, «cando se foxe, non hai que mirar cara a atrás».

Luis Leante presenta unha historia que non defraudará. Guía lectura.

.

EL SUEÑO DE BERLÍN, 1A

Ana Alonso e Javier Pelegrín son os creadores desta novela.

Ana é unha adolescente con TOC (trastorno obsesivo compulsivo). Cando Bruno, o seu compañeiro de clase, se decata do problema, tenta axudala. Con moito ímpeto, pero tamén con descoñecemento, animaraa a que se apunte á viaxe de fin de curso e poida cumprir un dos seus soños: visitar, en Berlín, a cabeza de Nefertiti. 

Doutra banda, a vida familiar de Ana non está exenta de tensións. O seu pai anímaa para que sexa como as mozas da súa idade, mentres que a súa nai quere que se medique e sobreprotéxea.

Que importante é a motivación, non si?

  

Conta tamén cun proxecto de lectura.

Se queredes empezar a ler, podedes facelo aquí.

ANXOS EN TEMPOS DE CHUVIA, 4AB

Miguel Vázquez Freire tráenos a historia dunha rapaza e tres rapaces que morren na madrugada viguesa dun sábado nun accidente de automóbil.

Moncho, irmán de Anxos, a rapaza falecida non quere aceptar as explicacións oficiais sobre a causa do accidente. A partir deste momento Moncho actúa coma un investigador, si, coma un detective que anda na procura de pegadas. Pero, en certo modo, coma un detective ó revés, porque o que Moncho busca non son as pegadas dun crime, senón pegadas dunha inocencia.

A novela, cunha trama artellada moi coidadosamente, aborda temas tan actuais como os accidentes de tráfico, a droga, a sida, o rock bravú, a lingua e a identidade galegas, o amor, a iniciación á sexualidade adulta...

SEMPRE HAUSA, 2A

Da man de Xoán Babarro, lemos Sempre Hausa, a historia dun mozo africano do pobo hausa que debe emigrar e enfrontarse a novos desafíos mentres mantén a súa identidade. Unha historia que nos fala dos soños, dos medos, da ansia de superación e do amor ás raíces.

Abduhali é un rapaz nacido en África. Pertence ao pobo dos hausa e el e os seus teñen unha vida dura. Por iso, ten que deixar a familia e buscar novas terras. Non é doado sobrevivir. Dos soños, dos medos, da ansia de superación e do amor ás raíces fala esta historia, na que poderás presenciar tamén un rally Paris-Dakar.

Con estas curtas iniciamos o debate.

LAZARILLO DE TORMES, 3A

Buscando un clásico que rompa moldes?

Esta novela anónima, que inaugurou a picaresca española, narra con ironía e realismo as peripecias de Lázaro, un antihéroe que loita contra a fame e a hipocrisía social. Unha lectura perfecta para debater sobre a supervivencia, a moral e a evolución dun personaxe inesquecible.

ASTÉRIX E CLEOPATRA, 1C

Astérix e Obélix enfróntanse a unha nova misión: construír un palacio para a mesmísima Cleopatra!

Se ata temos unha singular adaptación en galego.

INVISIBLE, 1A

Eloy Moreno con Invisible narra, a través dos ollos dun neno, unha historia que podería ser a de calquera de nós.

O libro, ademais, é como un crebacabezas no que o lector non sabe que está a ocorrer ata que aos poucos todo vai tomando forma. Porque... quen non desexou algunha vez ser invisible e quen non desexou algunha vez deixar de selo?

En definitiva, un libro que trata o tema do  bullying desde unha perspectiva distinta: desde a da xente que mira e non actúa.

O autor ofrece incluso unha guía didáctica para traballar a lectura.

TEMBLOR, 3C

Na seguinte lectura, Temblor de Maggie Stiefvater, os membros do Club de lectura de 3º C tremerán. Será de medo ou de amor?
Grace, unha moza moi práctica e independente, coñece a un mozo, Sam, que esperta nela familiaridade, pero tamén inquietude.
Poderán superar os obstáculos que existen nas súas vidas?

 

Aquí o primeiro capítulo.

¡MALDITO D.N.I.!, 4AB

Con Pepe Carballude e ¡Maldito DNI! continuamos.

Con esta novela chéganos a decisión de morrer legalmente e así vivir á marxe da burocracia moderna. Este desexo, ben doado nun principio, non resulta tan sinxelo e Olimpio Montes pronto comprende o difícil que se fai vivir indocumentado nun mundo controlado pola información.

FELIZ 2026

Felices lecturas para este ano que comeza!