DE EXCURSIÓN, 2025

Coma sempre, pechamos o curso coa xornada de convivencia nun parque multiaventura e na praia.

Polo menos non choveu!!!

PREPARANDO A EXCURSIÓN

Como queremos ir de excursión e facelo por poucos cartos, sacamos á venda cousiñas que nos fixeron os de Polos Creativos.

Grazas a todos por colaborar. Quen quere?

NA GUARDA, FIN DE FESTA

Aquí nos podedes ver... e aínda que a meteoroloxía nos asustaba, ao final respectou a viaxe.

Visita ao castro, paseo pola vila, ruta das cetarias, praia e visita sorpresa ao oulet de Tui para resgardarnos da auga final.

Pinchade na foto para entrar na galería.

 

EXCURSIÓN

E mañá, 26 de maio, temos prevista a excursión que pecha a actividade deste curso. Cara Á Guarda viaxarán 99 alumnos e 5 profesores para realizar:

• Unha visita ao castro de Santa Trega dende onde poderán apreciar a desembocadura do río Miño.
• Unha ruta polo casco antigo.
• Unha andaina pola ruta das cetarias (5 km) ata  a praia “Area Grande”.
• Unha xornada de praia.

Contarémosvos que tal resultou este fin de festa co que pechamos as actividades do club e premiamos aos que, semana a semana, se reuniron para festexar a lectura.

FIN DE FESTA NAS CÍES

Como cada ano, pechamos actividade cunha saída coa que estreitar lazos e premiar aos que, semana tras semana, prescindiron de tempo persoal para ler, debatir, crear... e reunirse en torno aos libros.
Este ano eliximos as Cíes como destino e, aínda que comezamos o día con chuvia, o tempo púxose do noso lado.
Había tempo que non conseguiamos unha resposta tan numerosa, e valoramos como un éxito que 76 alumnos continúen en maio en 7 grupos de lectura. Agardamos continuar o ano que vén.
Coma sempre teredes noticias nosas!

Pica na foto para entrar na galería.

DESPEDIDA E EXCURSIÓN

Como cada ano, rematamos a nosa experiencia lectora cunha xornada de convivencia entre os clubs chea de actividades.

A petición do alumnado, marchamos a un paintball en Vigo onde descargar adrenalina evitando contactos. Temos que recoñecer que, a pesar das nosas dúbidas, foi un éxito.

Para ver máis fotos clicade na imaxe

FESTA FINAL

Este luns pechamos a actividade cunha festa final no campamento xuvenil de Leiro.

As actividades foron variadas: kayaks, hinchables acuáticos, tiro con arco, pista americana, gymkanas... e convidaban a disfrutar.

Para repetir!!!!

 

 

DE PASEO

CLUBS DE LECTURA EN SANTIAGO de ME PP

TRACA FINAL

 

Como cada ano estamos preparando a despedida e parte dela é a excursión final. Este curso decidimos achegarnos a Santiago; será o 2 de maio e proxectamos: 

• Unha xornada de convivencia co alumnado do club de lectura do IES Ferro Couselo de Ourense.
• Unha visita ao MUPEGA (Museo Pedagóxico de Galicia).
• Unha visita ás cubertas da catedral que dependerá dunhas obras programadas para esa data. Outras opcións posibles serán a Cidade da Cultura ou a Facultade de Historia e o Colexio Fonseca.
• Un roteiro pola zona monumental da cidade.

A hora de saída do centro será ás 8:50 horas e a hora de chegada á Cañiza arredor das 19:30 horas, polo que non terán o transporte habitual. deberán levar comida e bebida para o xantar.
De haber máis solicitantes que prazas, a selección farase por sorteo o día 27 de abril no segundo recreo.

A EXCURSIÓN

Por fin, o 22 de maio visitamos A Guarda.

A GUARDA, 2017 on PhotoPeach

ASÍ O PASAMOS

Aínda que tivemos que improvisar sobre a marcha, pois os xardíns modificaron os nosos plans, creo que non o pasamos mal co cambio. A visita á cidade de Ourense non desmereceu e as compras tampouco.

CLUB DE LECTURA EN ALLARIZ - 2016 on PhotoPeach  

Tivemos, ademais, a ocasión de atoparnos coa nosa profesora de Primaria, María. Foi unha agradable sorpresa para todas.

ALLARIZ

Visita programada:

• Roteiro guiado polo casco histórico.

• Museo da moda.

• Festival dos xardíns que este ano centra a temática no futuro.

Haberá que levar o xantar.

Dado que o número de alumnos este ano é moi elevado, a selección farase por estrito orde de entrega da autorización ata completar as 50 prazas contempladas.

COMO DESPEDIDA... IMOS DE PASEO

Este curso decidimos despedir a actividade do club de lectura cunha visita á vila de Allariz. E non parece fácil organizar para que todos os que queiran poidan ir.

Temos 50 prazas e 87 demandantes!!! Algún terá que quedar e sentímolo ben.

POR FIN PUIDO SER

E o Centro cultural Marcos Valcarcel, aínda que con erros, publica as nosas fotos no seu facebook.

2º INTENTO

Este luns día 18 pretendemos, se o tempo nos deixa, facer a visita aprazada a Ourense.

Aproveitando a recentemente inaugurada exposición do Centro Cultural Marcos Valcárcel, faremos:

• Unha visita á exposición “Darwin y el evolucionismo”.

• Un roteiro literario pola cidade.
• Un percorrido, con baño incluído se o desexan, polas termas públicas de Outariz ou a Chabasqueira.

A actividade correrá a cargo do Club de lectura e da Biblioteca, agás o desprazamento en autobús urbano ata as termas (0,85 €) que correrá a cargo do alumnado que, ademais, deberá levar comida e bebida para o xantar.

A hora de saída do centro será ás 8:50 horas e a hora de chegada á Cañiza arredor das 17:30 horas, polo que poderán regresar a casa no transporte habitual.

IMOS DE PASEO

IMOS DE PASEO

O luns día 4 marchamos de visita a Ourense onde  realizaremos:

• Un rápido percorrido pola zona centro: “Lendo esculturas”.
• Un roteiro literario cunha guía especializada.
• Un visita, con baño incluído para os que o desexen, ás termas públicas de Outariz.

A actividade correrá a cargo do Club de lectura e da biblioteca, polo que será gratuíta para o alumnado, que só deberá levar comida e bebida para o xantar.

A hora de saída do centro será ás 8:50 horas e a hora de chegada á Cañiza arredor das 17:30 horas, polo que poderán regresar a casa no transporte habitual.

VIAXE Á RIBEIRA SACRA

Coma sempre, pechamos as actividades dos clubs de lectura cunha viaxe.

Este ano o noso destino foi a Ribeira Sacra, onde coñecemos o mosteiro de San Estevo de Ribas do Sil e fixemos unha ruta polo Cañón do Sil no Catamarán.