ESMERALDINA, 6º PRIMARIA

Coa obra de Ledicia Costas comezamos a actividade.

Nas cociñas do hotel Fantastique, a pequena Esmeraldina é feliz, aprendendo todos os trucos culinarios da man da súa avoa A Tremenda, unha chef de sona mundial.

Un andazo de febre escarlatina acaba coa vida da nena, empezan a chegar ao hotel defuntos de todas as procedencias, e Esmeraldina, axudada por Lady horreur e Nicotina, aprende a ser unha pantasma de verdade.

A ficha de lectura da editorial Xerais tamén nos pode axudar na lectura ou os book tráiler da novela realizados polos "youtubeiros" do CPI Viaño Pequeno (Trazo).

Seremos capaces de facer algo similar? A intentalo!!!

PUNTUACIÓN

 

MEDRAMOS!!!!!!!!!

Encantados este curso coa resposta entusiasta do alumnado. Aos 10 grupos de Secundaria, súmase un en 6º de Primaria!

E aínda pode haber máis cambios pois sabemos que algún profe máis está interesado.

SEGURIDADE NA REDE

MENTIRA, 4º ESO A+B

Temos tan boas referencias que decidimos comezar co primeiro da triloxía de Care Santos.

Xenia loita por sacar as mellores notas, pero ultimamente o seu rendemento académico está baixando. O que ocorre é que Xenia se namorou, pero non dun rapaz do seu redor, senón dunha pantasma, dunha voz que xorde da Internet e coa que comparte a súa paixón pola lectura.

Como o seu amor virtual non quere concertar unha cita, decide localizalo e presentarse ante el por sorpresa. Investigando, descobre que todo é mentira: nin a foto nin o nome do rapaz son reais. Cal é a verdadeira identidade da súa alma xemelga?

Plan lector aquí.

E tamén en audiolibro.

A ter en conta...

Recordade que esta novela forma unha triloxía xunto con Verdade e Medo, que tamén vos están agardando na biblioteca.

UNHA ESTRELA NO VENTO, 3º ESO A

Os integrantes do Club de lectura de 3ºA terán a oportunidade de ler a novela "Unha estrela no vento", da autora viguesa Ledicia Costas.

A novela trata a peripecia de Miguel Foz, un rapaz de dezasete anos que vai coñecer   unha moza xitana que, no intre de venderlle unha rosa, cambiará a súa vida por completo. As paixóns, a amizade, o amor, a violencia, a infidelidade e a traizón mestúranse nesta historia que non olvida tampouco problemas sociais como o acoso escolar ou a integración das minorías étnicas.

Conta tamén cun proxecto de lectura.

Quen se anima a ser un "booktuber" como este alumno de Allariz? Agardamos as vosas creacións.

O CORAZÓN DA BRANCA DE NEVE, 1º ESO C

Para tomar contacto co grupo, en 1º C elixiron esta novela policial e de suspense de Francisco Castro, que xira arredor das pescudas do inspector Hermida para atopar unha bebé roubada a unha rapaza inmigrante.

Un reto para un inspector sagaz, ante o caso máis difícil da súa carreira de investigador.

DÉIXAO MEDRAR, 1º ESO B

Paio e o fútbol serán os protagonistas desta entrega de Silvestre Gómez Xurxo.

Paio ten catorce anos e é moi bo xogando ó fútbol. As persoas que están a carón do rapaz manteñen discursos diferentes: o seu pai cre que pode chegar ata o máis alto e facerse rico e famoso; súa nai, o mesmo que o adestrador do equipo, desexa que Paio xogue e se divirta sen pensar en condicionantes extradeportivos. E ademais está Ana, a rapaza coa que anda a vivir unha tenra e emotiva historia de amor, de quen Paio non ten interese ningún en separarse. O conflicto xorde cando un equipo dos grandes se interesa seriamente pola súa fichaxe.

Temos tamén unha guía de lectura.

Para motivar podedes ver esta película que tedes na biblioteca ou en Orientación.

GRITARÉ TU NOMBRE, 2º ESO C

 

Karole Cozzo traenos unha novela moi emotiva e cargada de sorpresas. A protagonista, Jordyn, sempre foi a irmá paciente e comprensiva, facéndose ao carón mentres o tempo dos seus pais consómese no coidado do seu irmán, Phillip, que ten autismo.

Agora Jordyn cambiouse a un novo instituto e sente que é a oportunidade que estaba a esperar para empezar de novo: está decidida a ocultar a existencia do seu irmán. Pero as mentiras teñen un custo e Jordyn non tarda en darse conta de que, se segue afastando a todo o mundo da súa vida para que non descubran o seu secreto, podería perdelo todo, incluído a Alex, por quen sente algo moi especial.

Como punto de partida para entender mellor a Phillip podemos ver:

• O documental “María y yo”, que trata a vida de María, filla do debuxante Miguel Gallardo.
• Esta magnífica película que conta a conmovedora historia, baseada en feitos reais, dun corentón con Síndrome de Asperger e unha nena de 8 anos.

EL LIBRO DE LOS ROSTROS, 2º ESO D

Ana Alonso e Javier Pelegrín son coautores da nova proposta.

Se na vida real es unha persoa sen vida social, na internet podes ser quen ti queiras: alguén máis sociable, máis divertido, máis atrevido... distinto.
Iso é o que pensa Eva, a protagonista, unha estudante de 2º de Bacharelato que non ten moitos amigos. A súa familia anímaa a saír, pero non consegue forxar ningunha amizade coa xente que ten ao redor.
Por iso, Eva abre unha conta falsa en Facebook baixo o nome de Julia Espada, e pronto comezan as solicitudes de amizade e as mensaxes privadas. Con todo, nada é o que parece e poida que Eva se meta nunha lea máis grande que simplemente mentir no seu nome. Suplanta a identidade dunha blogueira moi reivindicativa que conta con moitos inimigos.

Para reflexionar...

AS LÁGRIMAS DE SHIVA, 3º ESO B

Este grupo decidiu comezar cun histórico nos nosos grupos, a obra de César Mallorquí: As lágrimas de Shiva.

Enigmas, misterios, obxectos moi valiosos perdidos durante décadas... vinganzas, amores prohibidos, estrañas desaparicións... son algúns dos elementos que podemos atopar nas Lágrimas de Shiva.

Houbo un fantasma, si, e un vello segredo oculto nas sombras, pero tamén houbo máis...

 

Animádesvos a descubrilo?

A editorial tamén nos ofrece o Plan Lector: 

• Actividades para a clase
• Estratexias de animación á lectura

Podemos tamén escoitalo en audiolibro. E incluso podedes continuar con "O círculo escarlata".

A por el!!

CÓMO MOLO, 1º ESO A+D

A terceira entrega de Manolito Gafotas de Elvira Lindo foi a opción elixida neste grupo.

A Manolito Gafotas encantaríalle ter un pobo ao que ir de vacacións no verán coa súa familia. Mentres os seus amigos lle escriben postais desde destinos exóticos como Carcagente ou Miranda de Ebro, o barrio de Carabanchel (Alto) parece un planeta abandonado. Pero Manolito non tardará en darse conta de que as aparencias enganan. Entre a aventura na piscina co avó Nicolás, as guerras de pés co Imbécil na casa da Luisa, a tía viquinga que chega desde Noruega e o seu novo amigo «de toda a vida», ao final o verán en casa mola moito máis do que parecía a primeira ollada.

Guía de lectura

REBELDES, 2º ESO B

Rebeldes, de Susan E. Hinton foi a elección deste grupo.

Uns adolescentes neoiorkinos vense envoltos nunha complicada aventura pola inimizade entre dúas bandas. Tras unha pelexa, e sen ser culpables, Johnny e Ponyboy teñen que fuxir.

Durante a fuxida, Johnny arrisca a súa vida por salvar uns nenos dun incendio... e pérdea. Ponyboy regresa a casa cos seus irmáns decidido a volver ao instituto e abandonar unha vida tan chea de perigos.

Tamén podedes descargar a guía de lectura.

INVISIBLE, 2º ESO A

Eloy Moreno con Invisible narra, a través dos ollos dun neno, unha historia que podería ser a de calquera de nós.

O libro, ademais, é como un crebacabezas no que o lector non sabe que está a ocorrer ata que aos poucos todo vai tomando forma. Porque... quen non desexou algunha vez ser invisible e quen non desexou algunha vez deixar de selo?

En definitiva, un libro que trata o tema do  bullying desde unha perspectiva distinta: desde a da xente que mira e non actúa.

O autor ofrece incluso unha guía didáctica para traballar a lectura.

ESTAMOS XA!!

 

DE PESCA!

😉

"EmPEZamOZ KoN HuMoR!!!!!"

Algún que non o faga?????????????

DE NOVO AQUÍ

 

FIN DE FESTA NAS CÍES

Como cada ano, pechamos actividade cunha saída coa que estreitar lazos e premiar aos que, semana tras semana, prescindiron de tempo persoal para ler, debatir, crear... e reunirse en torno aos libros.
Este ano eliximos as Cíes como destino e, aínda que comezamos o día con chuvia, o tempo púxose do noso lado.
Había tempo que non conseguiamos unha resposta tan numerosa, e valoramos como un éxito que 76 alumnos continúen en maio en 7 grupos de lectura. Agardamos continuar o ano que vén.
Coma sempre teredes noticias nosas!

Pica na foto para entrar na galería.

ALUMNADO DE 4º CELEBRA AS LETRAS

JIMENA ALVES 4B.pptx from ME PP

E MÁIS TRABALLOS EN BIBLOGCANIZA

LETRAS GALEGAS 2022

RECURSOS AQUÍ

EL VIAJERO PERDIDO, 2ºBC+3º

Unha viaxe chea de aventuras, onde César Mallorquí mestura a realidade e a ficción da forma máis inesperada.

Un mozo namorado, un amigo escritor, un  ladrón budista, unha feiticeira de feira, tres  hippies, un cego que adiviña o futuro, bailarinas con voz de serea, un mafioso chosco...

Felix está metido no maleteiro dun coche, e non cabe dúbida de que o van a matar. E  como chegou ata  aquí? Pois ninguén llo vai a crer, pero o que  empezou sendo unha viaxe en busca do amor e o destino acaba converténdose nunha odisea.

PREMIO CLUBS LECTURA 2022

Co gallo da celebración do Día do Libro, a Consellería de Cultura, Educación e Universidade , fai pública a Resolución de 22 de abril de 2022 pola que se recoñece a Antía Yáñez co Premio dos Clubs de Lectura 2022. 

HISTORIAS PARA CALQUERA LUGAR, 1º ESO C

Despedimos a temporada con esta colección de relatos.

Cinco relatos, ilustrados por Miguelanxo Prado, onde se mesturan a intriga, o humor e a emoción; historias que atrapan sen remedio a atención de quen as le.

A CASA DO MEDO, 2º ESO A

Comezamos con este libro de Agustín Fernández Paz.

O narrador desta historia, un home adulto, regresa á vila na que transcorreu a súa infancia, asociada na súa memoria a unha traumática experiencia vivida daquela. Decidido a saldar dunha vez por todas as contas co pasado, relata o que lle aconteceu tras quedar pechado no enigmático caseto que espertaba os temores da cativada de Valverde. Para volver reunirse cos seus e abandonar ese lugar de encerro, o protagonista terá que superar as probas do cruel Señor das Serpes e lograr regresar con vida da Illa da Lúa.

Un relato que nos interna nunha aventura marcada polo medo e unha tensión que se intensifica consonte van avanzando as páxinas.

BOOKFACE POLO DÍA DO LIBRO

OS MÁIS LIDOS POLOS CLUBS NO 20-21

Como en anos anteriores, trala revisión das memorias dos Clubs de lectura do curso 2020/2021, pódese coñecer a relación dos 50 títulos máis lidos polos clubs nese período.

O CORAZÓN DE BRANCA DE NEVE, 1º ESO D

Mergullámonos na historia policial e de suspense de Francisco Castro, que xira arredor das pescudas do inspector Hermida para atopar unha bebé roubada a unha rapaza inmigrante.

Un reto para un inspector sagaz, ante o caso máis difícil da súa carreira de investigador.

 

O CORAZÓN DE XÚPITER, 4º ESO B

 Ledicia Costas acompáñanos na última lectura.

Non foi doado para Isla mudar de cidade e empezar de cero nun novo instituto. Devecía por dar un paseo polo espazo, avistando planetas a través do telescopio, mergullada no ventre do universo. Casiopea, o nome da tartaruga máxica de Momo, era o nick que empregaba nos foros sobre astronomía nos que participaba adoito. Alí coñeceu a Xúpiter, alguén que semellaba saber moito de estrelas. As longas conversas até ben entrada a madrugada prenderan unha luz, entre os dous existía unha maxia que traspasaba as fronteiras do ciberespazo. Isla sentiu a necesidade de sabelo todo sobre Xúpiter: onde vivía, a que instituto ía, o seu nome real... Quedaron para se coñecer nunha noite de San Xoán de cacharelas e mar embravecido. Foi entón, despois de despedirse da súa amiga Mar, cando Isla se precipitou na escuridade. A súa vida estaba a piques de cambiar para sempre.

TES ATA AS 10, 4º ESO A

 

Os de 4º B recomendáronnos este libro e nós copiámoslles a idea.

DÍA DO LIBRO

DIARIO DE GREG 10, 2º ESO A

 A pola décima entrega do Diario de Greg, do autor Jeff Kinney

A vida era mellor nos vellos tempos. Ou non?

Iso pregúntase Greg Heffley cando a súa cidade se suma voluntariamente a unha campaña para apagar todos os aparellos electrónicos. Pero a vida moderna ten as súas comodidades... e Greg non está feito para vivir noutra época.

A tensión sobe dentro e fóra do fogar dos Heffley... Poderá soportalo Greg? Ou o estilo da vella escola é demasiado para un pringao como el?

Algún, coñecedor da saga, seguro que xa viu a película. Mirade o trailer.

27 DE MARZO, DÍA DO TEATRO

RECURSOS

21 MARZO, DÍA DA POESÍA

RECURSOS

POR TI DARÉ MI VIDA, 1º B

Elia Barceló acompañaranos con este club.

Lessa e Ted están felices e namorados. A súa relación vai vento en  popa, e pronto poderán abandonar o  orfanato no que se criaron para dedicarse á música e empezar a construír unha vida xuntos.

Con todo, todo cambia cando Ted sofre un fatal accidente que o deixa en coma. Ante esta situación, o mundo de  Lessa, centrado en Ted —a súa única familia, o seu único amigo, o seu único todo—, vénse abaixo.

Cando todo apunta a que Ted non vai sobrevivir, alguén ofrece a  Lessa a solución idónea ao problema. Claro que ese alguén non está disposto a axudala sen esixir algo a cambio...

Comezamos a lectura.

8M

 

Moito que ver en biblogcaniza baixo a etiqueta 8M

SEMANA DA PRENSA

RECURSOS

ENTROIDO

 Un ano máis celebrámolo ben. Entra e mira.

RAP POLA IGUALDADE

 Os de 3º tiveron un obradoiro sobre RAP e IGUALDADE con interesantes resultados.

DÍA ROSALÍA

  

Estas foron as gañadoras do concurso de caligramas polo día de Rosalía, pero houbo máis.

LA INCREÍBLE HISTORIA DE LA ABUELA GÁNSTER, 1º ESO A

Algúns tamén xogamos. Con este libro deseñamos un enredo de preguntas e, por certo, practicamos con el.

Non chegaba con ser mañoso coa papiroflexia, senón que tamén había que idear as cuestións que se agochaban baixo cada peza triangular.

RAPAZAS, 1º ESO D

 

Este libro, de Agustín Fernández Paz, recolle seis historias moi diversas, pero cun fío común: todas elas teñen unha rapaza como protagonista.

Mozas nunha idade difícil, enfrontadas por vez primeira á complexidade da vida, e cuxos problemas e vivencias cotiás aparecen reflectidos con gran autenticidade, nunhas historias que sorprenden, intrigan e emocionan. Os relatos percorren diferentes xéneros narrativos: desde a ciencia ficción ao misterio, pasando por historias de corte realista…

Ficha do libro que proporciona Xerais.

PEQUEÑAS COSAS, 1º ESO B

Hai moitos xeitos de ler e este é un deles: elaborar un mural sobre o libro que vén de rematar, Pequeñas cosas. Poñen voz, así, a unha máxica novela gráfica sen texto.

Quedou ben xeitoso.

MORGÚN, 4º ESO A

"O que morreu con traizón volverá polo mar, entrará no castro tres veces e entón recuperará o reino usurpado polo seu fillo. E o rei será raíña e a espada será o seu signo".

Esta é a profecía do vello druída da fortaleza de Baroña. E habíase cumprir. Morgún será o brillante guerreiro que libere da indignidade a aquela comunidade que asistirá ao nacemento do seu señor Breogán.

Esta novela épica de Suso de Toro ten por narrador a Dous Corvos, un guerreiro que narra o acontecido a Morgún, a quen el chama Lobo Máxico, un heroe celta que foi atopado cando meniño cun ollo de cada cor e cunha manda de lobos protexéndoo. "Morgún" é un relato épico celta enchido de maxia, profecías, vinganzas e destinos de heroes e semideuses.

Temos incluso o proxecto de lectura.