luns, 28 de xaneiro de 2019

OS MÁIS LIDOS NO 2017-2018

Como cada curso, a Asesoría publica en Ler en mancomún os 50 títulos máis lidos no conxunto dos 231 clubs de lectura adscritos o programa CLUBS DE LECTURA, da Consellería de Educación, Universidade e Formación Profesional, durante o curso 2017/2018.

venres, 25 de xaneiro de 2019

PINTANDO CON PALABRAS

O equipo de Dinamización Lca convoca o II concurso de caligramas para conmemorar o Día de Rosalía de Castro.
E por que non participamos os dos clubs de lectura?
Ánimo, non parece complicado.

EL AMOR ES DEMASIADO COMPLICADO, 1º A+B

Andrés Guerrero conseguiu plasmar a dualidade do amor, a simpleza e complexidade dun mesmo sentimento, nunha serie de viñetas e historias curtas que fan que nos sintamos identificados.
Está compilación fala das barreiras físicas que son só iso: físicas, que non impiden que os sentimentos afloren. Tamén fala de amores non correspondidos ou do correspondidos pero aínda non recoñecidos, e de amores equivocados. Por suposto non podería deixar de lado os amores dixitais, que nacen nas  apps de  ligoteo que todos coñecemos.

sábado, 19 de xaneiro de 2019

¡CÓMO MOLO!, 1º B

Manolito Gafotos fixo que nos puxeramos creativos e aquí algún acróstico realizado polos alumnos cos nomes dos personaxes principais.
Molan, non si?




luns, 14 de xaneiro de 2019

LA CABAÑA, 4º

La cabaña de Natasha Preston foi a elección deste grupo.
Unha fin de semana de esmorga nunha cabana remota é xustamente o que Mackenzie necesita. Quere divertirse a lume de biqueira cos seus amigos, lonxe dos pais e as obrigacións. Pero tras unha noite tola dúas deles morren… asasinados.
Sen signos de que a porta fose forzada e ningún rastro de loita, as sospeitas recaen sobre o grupo de amigos. 
Entre eles só hai un asasino. Pero ningún é inocente.

UN AMOR, ADULTOS

Un  cincuentón resolve a súa vida sexual coas visitas regulares a unha prostituta, ata que esta lle concerta unha cita cunha moza pola que termina desenvolvendo unha dolorosa dependencia sentimental.
A novela Un amor, do italiano  Dino  Buzzati, é a nova proposta que enreda co amor, a pasión obsesiva ou o masoquismo.