O 21 de maio de 1884 Jules Verne chegou a Vigo a bordo do seu impoñente iate. O afamado novelista levaba moito tempo atrás da pista das misteriosas mulleres planta. Lograría por fin, logo de tantos anos de busca, atopalas naquela baía? Na botica do vello Philipot custódiase un importante segredo: alí, aparentando normalidade, viven a avoa Melisa e Violeta, dúas mulleres rodeadas dun halo de misterio. A chegada de Jules Verne á botica revolucionará as vidas desta singular familia. O tempo esgótase: a avoa Melisa está enferma e necesitan atopar unha cura. Mais hai ocasións en que non se pode loitar contra a forza da natureza. Jules Verne e a vida secreta das mulleres planta é unha homenaxe ás novelas de aventuras, unha viaxe no tempo cargada de maxia onde todo é posible.
"Branca está enferma de hepatite. Desde hai nove días está na cama e ten que gardar repouso absoluto durante cinco ou seis semanas. Unha eternidade! Encima ten que pasar o seu aniversario así, e é un aniversario importante: trece anos. Ese día regálanlle un álbum de fotos e súa nai proponlle que o complete para non se aburrir. E así, pouquiño a pouco, Branca vai lembrando distintos episodios da súa vida que nos permiten ir coñecendo como é e como foi esta rapariga de trece anos. A súa infancia, a súa forma de vivir, os problemas dos seus pais, o colexio, o seu primeiro amor… son escenas que van xurdindo grazas ao efecto evocador dunhas vellas fotografías."
Os alumnos deste club xogaron co título para recoller o que o libro lles transmitiu. Aquí algún exemplo.
 |
| Gabriel Benito Blanco, 1º ESO A |
 |
| Gabriel Mota González, 1º ESO C |
Rematado Invisible, había que continuar.
Contaxiados polos de 2º B, tamén quixemos ler esta novela.
Estes lectores decidiron recrear novas portadas, con maior ou menor fortuna.
Esta novela histórica, de María Isabel Molina, preséntanos a Yago de Lavalle, un mozo que domina os segredos da fragua e os metais, pero que se opón ás prácticas supersticiosas do seu gremio, os ferreiros. Como castigo por tal actitude, é obrigado a peregrinar a Santiago de Compostela. A aventura, o amor e o perigo serán só algún dos seus compañeiros de viaxe.
Facemos o camiño con Yago?
Conta cunha guía de lectura.
Todo comeza no instituto o día da representación de Julieta e Violeta, un musical escrito por Ángel por petición do seu profesor de Lingua e que se inspira na coñecida traxedia de Shakespeare.
Con todo, ninguén na súa clase confía en que a actuación vaia a saír ben, porque os que acabaron sendo unha traxedia foron os seus ensaios, tan complicados como case todo neste 1º de ESO, no que tiveron que afrontar retos cos que non contaban.
E o día complicarase aínda máis cando, a só unhas horas da estrea, decátanse de que desapareceu Ena, unha das protagonistas da obra…
Recursos para o alumnado e profesorado.
