DESCARGAS LEGAIS

 

FELIZ NADAL...

...e felices lecturas.

MI VIDA EN EL PARAÍSO - 2ºBC+3º

Esta novela, de María Carmen de la Bandera, guiaranos nas próximas reunións.

Diko, un mozo camerunés, empeza unha nova vida en Madrid despois de deixar atrás o seu pasado como neno da guerra. A súa nube de felicidade pronto se desvanece ao ingresar no centro de acollida La Merced. A discriminación e a ameaza latente de expulsión do país enturbarán a  idílica vida que imaxinaba. Segunda parte de África no corazón.

Pode ilustrar a temática a curta seguinte.

Podemos comezar a lectura aquí ou traballar coa guía de lectura.

ASTÉRIX, 2ºBC+3º

O alumnado deste club elixiu varias tiras para reinterpretar e aquí unha pequena mostra.

GUÍA DE LECTURA 2021

Xa temos nas aulas e en Biblogcaniza as novas recomendacións lectoras.

A por elas!!!!!

RECOMENDACIÓNS LECTORAS 2021 de MEPP

RADIO E LECTURAS

Os da radio, aínda sen club, tamén len. Comprobade.

E XOEL APRENDEU A VOAR, 1º ESO D

 

Continuamos con esta novela na que Marica Campo nos presenta a Xoel, un rapaz de 13 anos, que apenas ten vida fóra da PSP e da Rede. Xunto a el, Paco e Carme, uns pais demasiado atarefados. Eunice, a moza pola que suspira o noso protagonista. Fabio, Daniel e Sara, os seus compañeiros de andainas. Don Santiago, o avó que convive cos remorsos dunha gran mentira. Todos eles e algúns personaxes máis conseguen manternos en suspense desde o principio ata o final.

Podemos comezar coas primeiras páxinas ou vendo este Book tráiler da novela realizado por dúas alumnas do CPI Viaño Pequeno (Trazo)

PIONEIRAS, CALENDARIO ADVENTO DA BIBLIOTECA

Participaredes no particular calendario de advento da biblioteca, non?

Só consiste en lectura e busca.

Sorte!!!

LOS DÍAS PERFECTOS, ADULTOS

 

Luís, un xornalista canso do seu traballo e o seu matrimonio, planea asistir a un congreso en  Austin,  Texas. A viaxe é unha mera coartada para atoparse brevemente con  Camila, quen se converteu no único aliciente da súa vida. Pero cando está a piques de partir, recibe unha mensaxe súa: «Deixémolo aquí, quedemos o recordo».  Desconsolado e sen saber que facer en  Austin, refúxiase nun arquivo da universidade, onde se topa casualmente cunhas cartas de William  Faulkner á súa amante Meta  Carpenter. A lectura desta longa correspondencia axúdao a reconstruír o recordo da súa aventura amorosa e a reflexionar sobre a súa  tedioso matrimonio, pero tamén a preguntarse como hai que vivir para lograr que cada día valla a pena.

Podemos comezar a ler aquí e incluso ver a entrevista que o autor, Jacobo  Bergareche, concede a Página Dos de TVE.

O CÍRCULO ESCARLATA, 4º ESO B

Comezamos coa continuación que Cesar Mallorquí vén de publicar a As lágrimas de Shiva.

"Nunha ocasión, hai xa ben de tempo, vin unha pantasma. E logo, catro anos despois, vin outra. A primeira pantasma era amable, mesmo arrecendía que daba gusto. A nardos. Era o espírito de Beatriz Obregón; grazas a ela atopei as Lágrimas de Shiva, un fabuloso colar que estivo perdido durante setenta anos.

A segunda pantasma foi moito menos amable. Metía medo e, desde logo, non arrecendía precisamente a nardos. Tiven un desagradable encontro con ela na Mansión Kraken, pouco despois de escoitar falar por primeira vez do Círculo Escarlata, unha escura e sinistra seita tan antiga coma o tempo. Iso ocorreu no verán de 1973, catro anos despois da miña estancia en Vila Candeloria, o fogar dos meus tíos e das miñas curmás, os Obregón."

 

ENDEREZO DESCOÑECIDO, 4º A

Enderezo descoñecido de Kressmann Taylor conta a sorprendente historia de Max (xudeu) e Martin (alemán) dende o momento en que este último retorna ao seu país, coincidindo co ascenso do partido nazi.

Esta obra, que representa unha das máis estarrecedoras arengas contra o nazismo, publicouse por primeira vez en 1938 e chegou a estar na lista de libros prohibidos do Reichskommisar.

A autora reflectiu a realidade política e social da Alemaña nazi e baseouse nunha historia real que lle contaron acerca duns íntimos amigos (un xudeu e outro alemán), que se distanciaron por motivos políticos, quedando a súa vella amizade rota para sempre.
Aquí temos a Fran Alonso facéndonos a súa recomendación persoal.

ASTÉRIX E CLEOPATRA, 2ºBC+3º

Astérix e Obélix enfróntanse a unha nova misión: construír un palacio para a mesmísima Cleopatra!

Se ata temos unha singular adaptación en galego.

MEMORIAS DUN NENO LABREGO, 1º ESO D

Neste grupo elixiron Memorias dun neno labrego de Neira Vilas.

O libro recolle o suposto caderno no que Balbino, un rapaz de aldea que vive na década de 1940, escribe

 "Vexo o mundo darredor de min e adoezo por entendelo [...] Ninguén me di para que serven as estrelas nin onde morrren os paxaros".

No vídeo, o propio autor conta ao alumnado do CPI A Picota como se inspirou para crear o personaxe de Balbino.

PEQUEÑAS COSAS, 1º ESO B

 

Esta xoia de Mel Tregonning encherá as reunións deste club que encherán esas páxinas de palabras. A ver que tal se lles dá.

Pequeñas cosas é a historia dun neno que ten medo do mundo, medo da soidade, medo das persoas..., un neno como calquera outro, nun mundo como o noso.

Sen palabras, só a través de imaxes, Pequenas cousas narra a historia dun neno que se sente só fronte aos seus problemas, pero que aos poucos entenderá que a axuda que necesita non está tan lonxe como cre.

Podemos empezar a "ler" aquí.

Tamén pode axudar esta montaxe que en cursos pasados realizaron outros lectores dos clubs.

BONE, 1º ESO A

Comezamos cun antigo éxito nos clubs de lectura: Bone 1, Lejos de Boneville, de Jeff Smith. Elixida pola revista Time como unha das 10 mellores novelas gráficas de todos os tempos.

A historia de tres primos -Fone Bone, Phoney e Smiley- expulsados de Boneville e perdidos nun enorme e descoñecido deserto. Tras diversos incidentes reuniranse na cidade de Barrel Haven alleos á conspiración que se tece en torno a eles e sen percatarse de que as súas aventuras só acaban de comezar.

Como aperitivo, analizade nesta viñeta con que velocidade lles chega o inverno. Sorprenderanos a nós igual?

POR FIN!!!

Isto vai collendo cara!!!!

Oito profes, oito grupos e o de adultos que parece que esperta por contaxio. Xa fixemos as reunións para elixir as primeiras lecturas e iniciamos cunha distribución que sabemos mudará ao longo do curso:

• Elena: 1º A - Bone.
• Cristina: 1º B - Pequeñas cosas.
• Katia: 1º C - Esmeraldina.
• Antía: 1º D - Memorias dun neno labrego.
• Gabriela: 2º A - Invisible.
• Esther: un mix de alumnos de 2º B, 2º C, 3º B e 3º C - Asterix e Cleopatra.
• Xoán: 4º A - Enderezo descoñecido.
• Conchi: 4º B - O círculo escarlata.
• Adultos: Los días perfectos de Jacobo Bergareche.

Estamos entusiasmados coa resposta e non queremos perder a ninguén polo camiño. A ver se o conseguimos.

DÍA DAS ESCRITORAS, 2021

"Ler as idades da vida" é o lema deste ano, co que reivindicar o legado das escritoras a través da historia. E para visibilizar a obra das nosas escritoras, aquí unha recompilación.

ATENTOS QUE COMEZAMOS

Pregunta na biblioteca

ABUR!

 

A nosa equipaxe de verán vai chea de ilusións, experiencias por vivir e... libros!!!

Toca agora gozar do descanso merecido.

Vémonos en setembro.

DESPEDIDA E EXCURSIÓN

Como cada ano, rematamos a nosa experiencia lectora cunha xornada de convivencia entre os clubs chea de actividades.

A petición do alumnado, marchamos a un paintball en Vigo onde descargar adrenalina evitando contactos. Temos que recoñecer que, a pesar das nosas dúbidas, foi un éxito.

Para ver máis fotos clicade na imaxe

A CASA DO MEDO, 1º ESO

Os de 1º xa rematamos coa lectura de misterio da man de Fernández Paz e aquí nos presentamos para convidarvos a lelo.

Está na biblio. A por el!!!!!!!!

E xa sabedes, cambio de coordinadora. Volve Esther e descansa Irene.

23 DE ABRIL, DÍA DO LIBRO

 A expo da biblioteca estanos agardando e as actividades que biblogcaniza agocha baixo a etiqueta Día libro, tamén.

OS 40 MÁIS LIDOS NO 2019/2020

Xa coñecemos a lista dos títulos máis lidos nos clubs de lectura, así como o número de lectura realizadas de cada autor ou autora, tendo en conta as diferentes obras lidas de cada un deles.

O EFECTO FRANKENSTEIN, 4º ESO

 

Coma se se tratase de Alicia caendo polo tobo, Nora viaxa ata finais do século XVIII. Alí terá que disfrazarse de home e tamén de señorita; adaptarse á vestimenta e aos costumes da época para lle axudar ao seu amigo Max a solucionar o problema coa criatura que o seu irresponsable amigo Víctor creou e abandonou no seu laboratorio.

En O efecto Frankenstein, Elia Barceló abre un eixe de diálogo entre dúas épocas e fainos reflexionar sobre a desigualdade de xénero, tanto no ámbito profesional coma no social.

PEQUEÑAS COSAS, 1º ESO

MARXINADOS, 2º A

Marxinados, de Pepe Carballude é a elección.

Trátase dunha historia de persoas que viven, dalgunha maneira, fóra do mundo. Pero que tamén queren cambialo.

Fálanos dunha estrela do baloncesto que termina traballando como educador no internado onde foi criado; aínda que tamén está alí chamado por unha historia de amor...

SAN VALENTÍN EN 4º DA ESO

ROMANTICISMO

Interesante a actividade realizada en 4º para o Romanticismo. Imaxe e palabra dándose a man.