xoves, 26 de novembro de 2020

IRIDIUM, 2º ESO

Francisco Castro convídanos a romper o xeo con Iridium. É unha historia de amor. Ou é unha historia de discriminacións e inxustizas. Ou é unha historia sobre a amizade máis aló das dificultades. Ou é unha historia sobre unha raíña do Instagram e un malote moi malo.
Libro que entrou na prestixiona Lista IBBY de Oslo.

venres, 20 de novembro de 2020

AS LÁGRIMAS DE SHIVA, 4º ESO

Este grupo decidiu comezar cun histórico nos nosos grupos, a obra de César Mallorquí: As lágrimas de Shiva.
Enigmas, misterios, obxectos moi valiosos perdidos durante décadas... vinganzas, amores prohibidos, estrañas desaparicións... son algúns dos elementos que podemos atopar nas Lágrimas de Shiva.
Houbo un fantasma, si, e un vello segredo oculto nas sombras, pero tamén houbo máis...
 
Animádesvos a descubrilo?
A editorial tamén nos ofrece o Plan Lector: 

xoves, 12 de novembro de 2020

ORGANIZÁMONOS


Estamos case a punto e, ante a tímida resposta, contamos con tres grupos, un en 1º da ESO, outro en 2º e outro en 4º.
Organizamos a coordinación dos grupos alternando a actividade entre nós. Deste xeito comeza Esther con 1º, Elena con 2º e Conchi con 4º. En canto rematen as lecturas, serán substituídas por Irene, Belén, César e Zaixega.
Como ademais haberá baixas, estes grupos poderán modificarse segundo as necesidades.