O ÚLTIMO TRABALLO DO SEÑOR LUNA, 3º+4º

"O último traballo do señor Luna" de César Mallorquí foi a obra elixida.

Con esta novela de aventuras de ritmo trepidante, César Mallorquí soubo encaixar perfectamente as pezas dun crebacabezas. Un rapaz superdotado intelectualmente, aínda que demasiado vulnerable no plano afectivo, vaise ver involucrado nun complicado plan de vinganza orquestrado por un poderoso narcotraficante boliviano de cocaína. Polas rúas de Madrid, entrecrúzanse as vidas dun asasino a soldo, dunha emigrante latinoamericana e dun adolescente.

A editorial tamén oferta, dentro do seu Plan Lector,  estratexias de animación á lectura e actividades para a clase.

NAVEGANDO ENTRE LIBROS

Xa estamos preparados para empezar!

O noso proxecto "Navegando entre libros" bota a andar. Trala campaña de divulgación, reunimos alumnado disposto a compartir as súas lecturas e as emocións que elas espertan.

Comezaremos a actividade con seis grupos (contando o de adultos) e 5 profesores que se encargarán de moderar o seu funcionamento e organizar as actividades de dinamización.

• Xabier: grupo de 1º
• Pablo: grupo A de 2º
• Conchi: grupo B de 2º
• Pilar: grupo C de 2º
• Mª Esther: grupo de 3º + 4º

Xa estamos elixindo os libros e admitimos suxestións.

PRESENTACIÓN

O mércores 30 tivemos na biblioteca a presentación da actividade e aquí tedes a proba.

Só queda que vos anotedes para formar os grupos. E hai présa... para comezar canto antes.

OS CLUBS DE LECTURA

Este será o noso quinto ano co club de lectura, pero non está de máis revisar alguns aspectos que nos axudarán a levalo adiante.

Nesta presentación que atopamos no blog Medrando entre andeis podemos coñecer as ideas fundamentais de Dime, de Aidan Chambers, unha obra básica para abordar un Club de lectura con garantías de éxito.

NOVA TEMPORADA

CLUB ADULTOS

Cando aínda este blog non existía, pero si o club de adultos, xa falamos doutra obra de Khaled Hosseini: "Mil soles espléndidos".
Pois ben, para a reunión de finais de novembro volvemos repetir con: "Y las montañas hablaron".

Terá razón o The New York Times?

«Las dotes narrativas de Hosseini han aumentado con el paso del tiempo [...], logra convertir las vidas de sus personajes en una conmovedora obra coral, con su capacidad de ahondar en las vidas de estos personajes y su potencia como narrador.»

UN AVISO: ESTAMOS CHEGANDO!!!!