O CENTRO DO LABIRINTO, 4A

Con esta novela, Agustín Fernández Paz ubícanos no 2054. Será tan diferente?

A mediados do século XXI, a doutora Sara Mettmann, membro da organización que rexe os destinos de Europa desde a sombra, viaxa a Galicia acompañada polo seu fillo David. A misteriosa desaparición de David será o inicio dunha cadea de desconcertantes sucesos que, coma un estraño pesadelo, acabará arrastrándoos a unha aventura que cambiará para sempre as súas vidas e talvez o destino da humanidade.

DIARIO DA OUTRA MANIÁTICA, 4B

 

Con Ann McPherson e Aidan Macfarlane comezamos a actividade.

Susie, unha rapaza de 16 anos, escribe o seu diario íntimo, seguindo ao seu irmán Peter Payne, autor do Novo diario dun xove maniático. Desde o seu punto de vista feminino, Susie escribe sobre o sexo, o amor, anorexia, febres glandulares, depresión, morte, SIDA, dietas, exames, anticoncepción, divorcio, vermes, estrés, piollos e moitas cousas máis.

No diario inclúe recortes, folletos, cartas e fragmentos de xornais e revistas sobre problemas que lle preocupan, anotacións das aventuras de Pete e doutros acontecementos, bos e malos, da súa vida familiar.

Saber o que pensa unha rapaza de dezaseis anos sobre as cousas máis normais da vida, saber que opina dos detalles que pasan desapercibidos para case todos os maiores é o tema central deste interesante libro no que os feitos están narrados dende un punto de vista natural, sinxelo, sen erros de interpretación.

Os autores, dous médicos, móstrannos as preocupacións dunha adolescente en temas como o sexo, a SIDA, o aborto, sempre dun xeito ameno, claro e sobre todo formativo e actualizado, sen tabús de ningún tipo.

TRECE ANOS DE BRANCA, 1B

A nova lectura deste grupo será Trece anos de Branca de Agustín Fernández Paz.

Sinopse:

"Branca está enferma de hepatite. Desde hai nove días está na cama e ten que gardar repouso absoluto durante cinco ou seis semanas. Unha eternidade! Encima ten que pasar o seu aniversario así, e é un aniversario importante: trece anos. Ese día regálanlle un álbum de fotos e súa nai proponlle que o complete para non se aburrir. E así, pouquiño a pouco, Branca vai lembrando distintos episodios da súa vida que nos permiten ir coñecendo como é e como foi esta rapariga de trece anos. A súa infancia, a súa forma de vivir, os problemas dos seus pais, o colexio, o seu primeiro amor… son escenas que van xurdindo grazas ao efecto evocador dunhas vellas fotografías."

Aquí podedes ver algunhas estratexias de animación á lectura e actividades para a clase que recolle a editorial Rodeira-Edebé no seu plan lector.

OLLOS DE AUGA 3º ESO B+C

Comezamos coa novela coa que Domingo Villar iniciou a súa andaina na narrativa policial en galego, 

Na torre da illa de Toralla, en plena ría de Vigo, aparece o cadáver dun saxofonista. O asasinato, dunha crueldade e sangue frío inusitados, vai ser investigado por Leo Caldas, inspector de policía que busca o seu lugar no mundo e que, ademais do seu traballo na comisaría, intervén nun consultorio radiofónico ao que os cidadáns se achegan coas queixas máis diversas. O seu axudante, Rafael Estévez, é un aragonés destinado na cidade, un elemento estraño en terra hostil cun carácter demasiado impetuoso para os seus novos veciños.

Traballando coa lectura.

AS LÁGRIMAS DE SHIVA, 3º ESO A

Este grupo decidiu comezar cun histórico nos nosos grupos, a obra de César Mallorquí: As lágrimas de Shiva.

Enigmas, misterios, obxectos moi valiosos perdidos durante décadas... vinganzas, amores prohibidos, estrañas desaparicións... son algúns dos elementos que podemos atopar nas Lágrimas de Shiva.

Houbo un fantasma, si, e un vello segredo oculto nas sombras, pero tamén houbo máis...

 

Animádesvos a descubrilo?

A editorial tamén nos ofrece o Plan Lector: 

• Actividades para a clase
• Estratexias de animación á lectura

Podemos tamén escoitalo en audiolibro. E incluso podedes continuar con "O círculo escarlata".

A por el!!

EL SÓTANO, 2BC

Eliximos para as nosas reunións a Natasha Preston e El sótano. Se entras, atraparate... así nos anima a propia autora.

Catro mozas encerradas por un secuestrador. Elas son as súas flores, as súas perfectas e puras flores. Pero canto tempo poderán sobrevivir dentro do soto?

Aquí o primeiro capítulo

BONE, 4C

Comezamos cun antigo éxito nos clubs de lectura: Bone 1, Lejos de Boneville, de Jeff Smith. Elixida pola revista Time como unha das 10 mellores novelas gráficas de todos os tempos.

A historia de tres primos -Fone Bone, Phoney e Smiley- expulsados de Boneville e perdidos nun enorme e descoñecido deserto. Tras diversos incidentes reuniranse na cidade de Barrel Haven alleos á conspiración que se tece en torno a eles e sen percatarse de que as súas aventuras só acaban de comezar.

Como aperitivo, analizade nesta viñeta con que velocidade lles chega o inverno. Sorprenderanos a nós igual?

OLFATO DE DETECTIVE, 2A

 

Christine Nöstlinger consegue crear, con Olfato de detective, novela de misterio verosímil e adaptada ao seu público.

Aínda que o pareza, Yago non é irmán de Pups, Tete e Wuzi Zwoch, só é o neno da veciña. Pero a verdade é que pasa con elas máis tempo que na súa casa e, cando os Zwoch herdan o chalé dunha tía afastada, ten sentimentos atopados. Si, alégrase por elas… pero, por moi preto que estea a casa nova, xa non será o mesmo.

Con todo, non todo é como as irmás Zwoch soñan. A súa tía tiña moito diñeiro, iso sabíao todo o mundo, pero non aparece por ningunha parte. A casa está en moi malas condicións e os seus pais non poden permitirse restaurala. Por iso Yago, Pups, Tete e Wuzi póñense a buscar entre as cousas da anciá. O diñeiro ten que estar en algures!

Guía de lectura.

EL ORDENADOR ASESINO, 1C

Pode asasinar un computador? Por que, se non, morreron seis persoas ante un OMNIA 3 en menos dun mes? Existe algunha conexión entre esas mortes?

Unha moza inspectora de policía está disposta a pescudalo aínda a risco da súa vida, e o resultado das súas pescudas conducirá ao lector a unha arrepiante conclusión: detrás da pantalla ocúltase un adversario tan inesperado como perigoso...

Serán capaces os lectores deste club de desentrañar o misterio?

Acaso corremos algún perigo con tanta dixitalización?

LA INCREÍBLE HISTORIA DE LA ABUELA GÁNSTER, 1A

 Estreámonos co libro de David Walliams

Guía de lectura

PRIMEIROS ACORDES

Baixo a batuta de Cristina, orgnizáronse dez conxuntos harmónicos, que comezan a decidir lecturas.

CHEGANDO!

Atentos, que arrinca a

temporada de lecturas.

E xa temos directora de orquesta!!!

En breve, saberedes de nós... 

ENDEREZO DESCOÑECIDO, 4A

Enderezo descoñecido de Kressmann Taylor conta a sorprendente historia de Max (xudeu) e Martin (alemán) dende o momento en que este último retorna ao seu país, coincidindo co ascenso do partido nazi.

Esta obra, que representa unha das máis estarrecedoras arengas contra o nazismo, publicouse por primeira vez en 1938 e chegou a estar na lista de libros prohibidos do Reichskommisar.

A autora reflectiu a realidade política e social da Alemaña nazi e baseouse nunha historia real que lle contaron acerca duns íntimos amigos (un xudeu e outro alemán), que se distanciaron por motivos políticos, quedando a súa vella amizade rota para sempre.

DE EXCURSIÓN, 2025

Coma sempre, pechamos o curso coa xornada de convivencia nun parque multiaventura e na praia.

Polo menos non choveu!!!

PREPARANDO A EXCURSIÓN

Como queremos ir de excursión e facelo por poucos cartos, sacamos á venda cousiñas que nos fixeron os de Polos Creativos.

Grazas a todos por colaborar. Quen quere?

A MEMORIA DOS PAXAROS, 3A

 

Coa novela de Teresa González Costa despedímonos.

A aparición dun mozo inconsciente nunha reserva de aves a noite do Samaín coincide cunha serie de fenómenos estraños que se empezan a dar na vila. Os despoxos de paxaro aparecen polos camiños, escóitanse chíos arrepiantes e hai cortes de luz inexplicables. A sombra dun terrible ser mitolóxico emerxe das tebras, ao tempo que un especulador de terreos asegura ter a solución a todos os problemas. Celeste, a filla do ornitólogo e mais dunha investigadora da mitoloxía das aves, vai tentar descubrir que hai detrás de todo o que está a pasar. Que se repita ou non a traxedia que tivo lugar poucos anos atrás depende talvez da memoria que algunhas persoas valentes gardan do tempo en que as catro pedras con nome de paxaro eran veneradas.

Conta con ficha de lectura e tamén podedes ler as primeiras páxinas.

AMOR DOS QUINCE ANOS, MARILYN, 1B

Agustín Fernández Paz rende homenaxe ao cine e aos mitos nestes cinco relatos. Como ocorría en Contos por palabras, son os anuncios breves dos xornais a orixe destes textos, que aquí teñen unha meirande complexidade e extensión. Un vampiro solitario vaga polas rúas da noite coruñesa, na procura do seu alimento cotiá. Unha man bota no lume unha foto, que se resiste a arder mais que acaba feita cinza, coma un soño que se esvaece. Un fantasma que regresa, como cada vinte e cinco anos, ao vello pazo familiar… Estas son algunhas das situacións que fixeron nacer os relatos deste volume.

Recordamos ao seu autor.

VERDADE, MENTIRA, MEDO, 4A

O CORAZÓN DA BRANCA DE NEVE, 2B

Tamén os de 2º B quixemos mergullarnos no xénero policial coa obra de Francisco Castro:

A ILLA DE TODAS AS ILLAS, 4B

Xabier P. DoCampo narra a aventura de tres rapaces nunha illa deserta que non ten nome, pero a que todos chaman Navalleira. Puxéranlle ese nome os mariñeiros, porque nela había moitas navallas; pero agora, segundo lles conta o patrón do barco que os leva alí, só quedan brétemas mestas e espíritos. Algúns mariñeiros que chegaran á illa buscando navallas volveran a terra dicindo que escoitaran voces e que viran xentes que lles falaban en todas as linguas do mundo e que vestían como os que veñen nos libros antigos.

INVISIBLE, 1AC

Os alumnos deste club xogaron co título para recoller o que o libro lles transmitiu. Aquí algún exemplo.

Gabriel Benito Blanco, 1º ESO A

Gabriel Mota González, 1º ESO C

INVISIBLE, 2C

Nós tamén nos unimos ao club de Invisible.

Nesta campaña de Vanish para Brasil,  o protagonista é un neno que sofre acoso escolar e que, confrontado a diario con burlas e violencia, prefire replegarse sobre si mesmo e utilizar o silencio a modo de coraza.

EL AMOR ES DEMASIADO COMPLICADO, 1B

Esta lectura foi inspiradora e espertou a imaxinación dunha das lectoras, Lucía.

EL SUEÑO DE BERLÍN, 1B

Ana Alonso e Javier Pelegrín son os creadores desta novela.

Ana é unha adolescente con TOC (trastorno obsesivo compulsivo). Cando Bruno, o seu compañeiro de clase, se decata do problema, tenta axudala. Con moito ímpeto, pero tamén con descoñecemento, animaraa a que se apunte á viaxe de fin de curso e poida cumprir un dos seus soños: visitar, en Berlín, a cabeza de Nefertiti. 

Doutra banda, a vida familiar de Ana non está exenta de tensións. O seu pai anímaa para que sexa como as mozas da súa idade, mentres que a súa nai quere que se medique e sobreprotéxea.

Que importante é a motivación, non si?

  

Conta tamén cun proxecto de lectura.

Se queredes empezar a ler, podedes facelo aquí.

LA INCREÍBLE HISTORIA DE LA ABUELA GÁNSTER, 2A

Continuamos con Walliams. Houbo compañeiros de 1B encantados coa lectura e fixeron campaña.

CARTAS DE INVERNO, 3B

Este clásico de Agustín Fernández Paz porá unha pinga de misterio nas reunións dos de 3º B.

Despois dunha longa estadía en Québec, o escritor Xabier Louzao volve a Galicia e atopa as cartas que o seu amigo Adrián lle escribira na súa ausencia. Unhas cartas que, nunha espiral de enigmas, descobren os estraños sucesos que está a vivir Adrián na súa nova casa e que levan a Xabier a acudir na súa axuda. Pero alí, na vella casa colonial, os dous amigos terán que enfrontarse a misterios que tal vez as persoas nin tan sequera somos quen de imaxinar.
A editorial tamén conta cunha guía de lectura.
E na biblioteca contamos, tamén, coa versión de Antonio Seijas en banda deseñada.

REDES, 1AC

Rematado Invisible, había que continuar.

Unha reflexión do impacto que a curto e longo prazo pode ter e ten o consumo de algo que xa está na nosa vida diaria como unha adicción máis.

Frustración, ansiedade, acoso, tristeza, quizá sexan os sentimentos que máis se tratan nesta novela en contraposición ao que as redes sociais venden de maneira habitual: felicidade constante. Unha felicidade que vivimos a través de pantallas en lugar de traballala na vida real. Unha felicidade que se mide en likes, en interaccións e en comparacións coa vida doutras persoas.

E recordade, confiar en calquera é expoñerse a calquera.

Guía de lectura

MEDO, 4A

Despois de Mentira e Verdade de Care Santos, agardabamos a continuación con interese.

Hai veces na vida dalgunhas persoas en que de súpeto ocorre algo que o cambia todo. O medo. Medo a vivir. Medo a non soportar a vida. Medo a ter que facelo. Medo a non saber como. Medo ao medo.

Tamén trata dos celos. Os celos destrúennos por dentro. A miúdo, tamén por fóra. Os celos destrúeno todo. E sempre pagamos por eles un prezo demasiado alto. Como Eric, como  Xenia, como Hugo. Porque aprender a vivir nunca é fácil.

CLUB CÓMIC, OBRAS

 Aquí temos algunha creación do alumnado do club do cómic.

EL AMOR ES DEMASIADO COMPLICADO, 1B

Andrés Guerrero conseguiu plasmar a dualidade do amor, a simpleza e complexidade dun mesmo sentimento, nunha serie de viñetas e historias curtas que fan que nos sintamos identificados.

Está compilación fala das barreiras físicas que son só iso: físicas, que non impiden que os sentimentos afloren. Tamén fala de amores non correspondidos ou do correspondidos pero aínda non recoñecidos, e de amores equivocados. Por suposto non podería deixar de lado os amores dixitais, que nacen nas  apps de  ligoteo que todos coñecemos.

Guía de lectura

SI TÚ QUIERES, 3A

 

Sonia Mirón acompáñanos con esta novela sobre Dani, un mozo que vive encerrado en si mesmo. Nos estudos é un desastre, a relación coa súa nai deixa moito que desexar e Sara, o amor da súa vida, nin se fixa nel. Que pode ocorrer para que todo isto se poña patas para arriba e o seu mundo comece a virar?

GRITARÉ TU NOMBRE, 3C

 

Karole Cozzo traenos unha novela moi emotiva e cargada de sorpresas. A protagonista, Jordyn, sempre foi a irmá paciente e comprensiva, facéndose ao carón mentres o tempo dos seus pais consómese no coidado do seu irmán, Phillip, que ten autismo.

Agora Jordyn cambiouse a un novo instituto e sente que é a oportunidade que estaba a esperar para empezar de novo: está decidida a ocultar a existencia do seu irmán. Pero as mentiras teñen un custo e Jordyn non tarda en darse conta de que, se segue afastando a todo o mundo da súa vida para que non descubran o seu secreto, podería perdelo todo, incluído a Alex, por quen sente algo moi especial.

Como punto de partida para entender mellor a Phillip podemos ver:

• O documental “María y yo”, que trata a vida de María, filla do debuxante Miguel Gallardo.
• Esta magnífica película que conta a conmovedora historia, baseada en feitos reais, dun corentón con Síndrome de Asperger e unha nena de 8 anos.

AIRE NEGRO, 3D

 

Agustín Fernández Paz mestura elementos dos xéneros fantástico e de terror para construír, en Aire negro, un thriller absorbente, que mantén a tensión ata a liña derradeira.

Cando o doutor Vítor Moldes comeza a traballar na clínica psiquiátrica Beira Verde, ten como primeira paciente a Laura Novo, unha muller coa memoria borrada, que ocupa as horas do día en escribir de xeito compulsivo o seu nome, aferrada a el coma se fose o único resto dalgún naufraxio emocional. Mediante unha terapia innovadora, o doutor consigue que a paciente abandone a súa prisión interior e comece a lembrar o seu pasado. 

«Escríbao todo, reviva outra vez o que pasou. Escriba o que non é capaz de expresar con palabras en voz alta. Así irán collendo sentido as lembranzas que agora permanecen enmarañadas na súa memoria.» O doutor conseguirá que Laura rememore todo o que lle sucedeu nos meses anteriores, cando unha escura sombra parecía ameazar a súa vida. Ningún dos dous podía imaxinar que lle estaban abrindo a porta a unha realidade terrible, ao esqueceren que por baixo da tranquilizadora superficie da vida os terrores máis fondos agardan a ocasión propicia para destruírnos.

Ficha de lectura. 

YO ESTUVE AQUÍ, 4B

Os de 4º continúan con Yo estuve aquí de Gayle Forman

Cody cría sabelo todo acerca dao súa mellor amiga Meg, unha moza intelixente, admirada e cunha personalidade irresistible. Pero que a levou a un suicidio tan meticulosamente planificado?

Cody necesita entender, coñecer, reescribir a súa amizade. Iso é o que tenta cando se despraza á universidade de Tacoma a recoller as cousas de Meg. Unha viaxe que poñerá en dúbida todo cando cría saber sobre a súa amiga. Un camiño que a enfrontará a cuestións difíciles de soportar e que a levará ao límite de si mesma.

DÚAS MOEDAS, 2A

 Nuria Tamarit acompáñanos con este cómic.

Mar, unha adolescente europea, viaxa ao Senegal na compaña da súa nai, quen traballa no proxecto de construción dunha biblioteca e unha emisora de radio nunha vila de agricultores e pescadores ao norte do país. Afeita ás comodidades e dinámicas do denominado primeiro mundo, a medida que se vai aclimatando aos ritmos e costumes do lugar, irá tomando conciencia de que a metade da súa equipaxe eran tópicos, prexuizos e descoñecemento. Sobre o terreo, Mar descubrirá unha cultura sensual e hospitalaria, unha paisaxe de beleza insólita e unha sociedade con problemáticas moi específicas e sometida a graves desaxustes políticos, pero tamén allea a moitas das nosas servidumes cotiás.