MÁIS ASTERIX, 3B

E sempre podemos completar a lectura co cine:

 

ESMERALDINA, APOIO

Coa obra de Ledicia Costas comezamos a actividade.

Nas cociñas do hotel Fantastique, a pequena Esmeraldina é feliz, aprendendo todos os trucos culinarios da man da súa avoa A Tremenda, unha chef de sona mundial.

Un andazo de febre escarlatina acaba coa vida da nena, empezan a chegar ao hotel defuntos de todas as procedencias, e Esmeraldina, axudada por Lady horreur e Nicotina, aprende a ser unha pantasma de verdade.

A ficha de lectura da editorial Xerais tamén nos pode axudar na lectura ou os book tráiler da novela realizados polos "youtubeiros" do CPI Viaño Pequeno (Trazo).

Seremos capaces de facer algo similar? A intentalo!!!

REBELDES, 2AB

Rebeldes, de Susan E. Hinton foi a elección deste grupo.

Uns adolescentes neoiorkinos vense envoltos nunha complicada aventura pola inimizade entre dúas bandas. Tras unha pelexa, e sen ser culpables, Johnny e Ponyboy teñen que fuxir.

Durante a fuxida, Johnny arrisca a súa vida por salvar uns nenos dun incendio... e pérdea. Ponyboy regresa a casa cos seus irmáns decidido a volver ao instituto e abandonar unha vida tan chea de perigos.

Tamén podedes descargar a guía de lectura.

UNHA ESTRELA NO VENTO, 3C

Os integrantes do Club de lectura de 3ºC terán a oportunidade de ler a novela "Unha estrela no vento", da autora viguesa Ledicia Costas.

A novela trata a peripecia de Miguel Foz, un rapaz de dezasete anos que vai coñecer   unha moza xitana que, no intre de venderlle unha rosa, cambiará a súa vida por completo. As paixóns, a amizade, o amor, a violencia, a infidelidade e a traizón mestúranse nesta historia que non olvida tampouco problemas sociais como o acoso escolar ou a integración das minorías étnicas.

Conta tamén cun proxecto de lectura.

Quen se anima a ser un "booktuber" como este alumno de Allariz? Agardamos as vosas creacións.

EL ORDENADOR ASESINO, 2C

Pode asasinar un computador? Por que, se non, morreron seis persoas ante un OMNIA 3 en menos dun mes? Existe algunha conexión entre esas mortes?

Unha moza inspectora de policía está disposta a pescudalo aínda a risco da súa vida, e o resultado das súas pescudas conducirá ao lector a unha arrepiante conclusión: detrás da pantalla ocúltase un adversario tan inesperado como perigoso...

Serán capaces os lectores deste club de desentrañar o misterio?

Acaso corremos algún perigo con tanta dixitalización?

ASTÉRIX E CLEOPATRA, 3B

Astérix e Obélix enfróntanse a unha nova misión: construír un palacio para a mesmísima Cleopatra!

Se ata temos unha singular adaptación en galego.

ORGANIZADOS!!!

A nosa coordinadora, Lorena, conseguiu, por fin, poñer orde entre tantos profes e alumnos implicados. A cousa queda do seguinte xeito.

COORDINADOR/A	GRUPO
ADRIÁN DE CIMA ESPESO (MAT)	1A
ÁNGEL JESÚS FDEZ BORRUÉ (EPV)	1B
SONIA MÍGUEZ SOTO (LC)	1C
LORENA ARES TROITIÑO (XEO) – COORDINADORA XERAL	2AB
Mª ESTHER PÉREZ PARENTE (LC)	2C, 2D
ELENA FERNÁNDEZ ÁLVAREZ (PT)	3A
XOSÉ ABELLEIRA DEL RÍO (LG)	3B
CRISTINA CASTRO RODRÍGUEZ (BIO)	3C
ANTÍA ÁLVAREZ MOURE (LG)	4A
DARÍO ÁLVAREZ MOURE (LG)	4B
LUCÍA SEOANE GÓMEZ (MAT)	REFORZO

PLATAFORMA DE PRÉSTAMO DIXITAL

A plataforma de lectura dixital E-LBE.2 enriqueceu o seu catálogo con varios centos de novos fondos, en diversos formatos (Epub, audiolibros, podcasts…) e diferentes linguas.

Como xa sabedes, para entrar precisades a identificación e a chave de acceso. Se esquecestes estes datos, mirade no taboleiro da aula ou preguntádelle ao voso coordinador do club de lectura.

QUEN SE APUNTA?

Os do club buscan lectores e seguro que os profes xa volo terán recordado, pero, se non é así, preguntade na biblioteca.

Seguro que haberá un club para vós.

ESTAMOS!!!

ATA PRONTO!

Lectura, praia? Por que non ambas?

Praceres de verán.

Vémonos en setembro!

AVALIACIÓN

PARA  AVALIAR

UNHA ESTRELA NO VENTO, 1º ESO A+D

 Recreando a portada da última lectura.

Alejandro e Zaira, 1º A

David e María, 1º A

Covadonga e Paula, 1º A

Ariadna e Iria, 1º A

NA GUARDA, FIN DE FESTA

Aquí nos podedes ver... e aínda que a meteoroloxía nos asustaba, ao final respectou a viaxe.

Visita ao castro, paseo pola vila, ruta das cetarias, praia e visita sorpresa ao oulet de Tui para resgardarnos da auga final.

Pinchade na foto para entrar na galería.

 

EXCURSIÓN

E mañá, 26 de maio, temos prevista a excursión que pecha a actividade deste curso. Cara Á Guarda viaxarán 99 alumnos e 5 profesores para realizar:

• Unha visita ao castro de Santa Trega dende onde poderán apreciar a desembocadura do río Miño.
• Unha ruta polo casco antigo.
• Unha andaina pola ruta das cetarias (5 km) ata  a praia “Area Grande”.
• Unha xornada de praia.

Contarémosvos que tal resultou este fin de festa co que pechamos as actividades do club e premiamos aos que, semana a semana, se reuniron para festexar a lectura.

A LEBRE MECÁNICA, 3º ESO A

Con Ledicia Costas e este Premio Lazarillo de Creación Literaria 2021, pecharemos a actividade deste curso.

As cousas entre Nana e Corvo ultimamente non van nada ben. Conseguiran construír un mundo onde compartían todo: películas, música, manga, videoxogos... Non querían separarse nunca. Mais iso era antes. Agora Corvo desaparece durante horas e non conta onde vai. Cando Nana lle pregunta que lle pasa, enfádase. No seu grupo de amigos ninguén comprende que lle sucede. Desde que empezou a ir en serio coas apostas semella outro. O que antes era pura diversión converteuse nun pesadelo. Case sen decatarse, Corvo acaba metido nunha rede de problemas da que semella imposible saír.

Ficha de lectura

UNHA ESTRELA NO VENTO, 1º ESO A+D

Aínda que o leron os de 3º, por que non podemos intentalo os de 1º? A por el.

LETRAS GALEGAS 2023

Xa podemos ver a exposición e empregar os recursos para achegarnos á figura do homenaxeado.

LA ABUELA GÁNSTER, 1º A

Este club prolongou a lectura ao recrear a portada do libro lido, na clase de Tecnoloxía e Dixitalización. Uns artistas!

DAVID E ARIADNA - 1A

GONZALO, DANIEL A E PAULA - 1A

IRIA E PAULA - 1A

Isma, Rafa, Alex de 1ºA

LARA,COVADONGA E MARÍA - 1A

ZAIRA E XIAN, 1A

ENFIANDO VERSOS I, FASE FINAL

 Dos 12 que chegaron á final, 7 eran dos clubs de lectura. Exitazo!!!!!!!!!!

PREMIO CLUBS LECTURA 2023

Co gallo da celebración do Día do Libro, a Consellería de Cultura, Educación, Formación profesional  e Universidades, fai pública a Resolución de 21 de abril de 2023 pola que se recoñece a Manuel Núñez Singala co Premio dos Clubs de Lectura 2023.

EXPOSICIÓN DÍA DO LIBRO

Xa está agardando a ser visitada!!

No blog da biblio temos un aperitivo virtual e tamén outras producións baixo a etiqueta Día Libro.

CONCURSO PORTAS

Na decoración das portas polo día do libro, xa hai gañadores, a clase de 4º B

ROMPENDO CLICHÉS

En valores tamén len; unha lectura que busca romper clichés, ante os pequenos de Primaria. Máis...

CAMPOS DE FRESAS, 2º ESO A

 

Jordi Sierra i Fabra preséntanos a Luciana, unha moza que tomou unha decisión equivocada e está a pagar as consecuencias dos seus actos. Os seus amigos tentarán axudala para que poida corrixir ese terrible erro. Poderá dispoñer dunha segunda oportunidade e tomar as rendas da súa vida? Unha estremecedora historia sobre os perigos que axexan aos mozos de hoxe.

Podemos comezar co primeiro capítulo e temos unha guía de lectura.

A EXPEDICIÓN DO PACÍFICO, 1º ESO C

 

Marilar Aleixandre tráenos unha novela de aventuras que conta as peripecias dunha nena de doce anos, Emilia, que se agacha como polisón nunha expedición científica que parte para explorar o Pacífico. A acción que se desenvolve no século XIX, non renuncia a estar escrita desde este fin de século. As ideas feministas, a polémica entre o darwinismo e o creacionismo a paixón polo coñecemento están nas páxinas desta excepcional novela.

Presentación a expedicion ao pacifico from bibliotecavios

O CÍRCULO ESCARLATA, 3º ESO B

E seguimos coa continuación que César Mallorquí vén de publicar a As lágrimas de Shiva.

"Nunha ocasión, hai xa ben de tempo, vin unha pantasma. E logo, catro anos despois, vin outra. A primeira pantasma era amable, mesmo arrecendía que daba gusto. A nardos. Era o espírito de Beatriz Obregón; grazas a ela atopei as Lágrimas de Shiva, un fabuloso colar que estivo perdido durante setenta anos.

A segunda pantasma foi moito menos amable. Metía medo e, desde logo, non arrecendía precisamente a nardos. Tiven un desagradable encontro con ela na Mansión Kraken, pouco despois de escoitar falar por primeira vez do Círculo Escarlata, unha escura e sinistra seita tan antiga coma o tempo. Iso ocorreu no verán de 1973, catro anos despois da miña estancia en Vila Candeloria, o fogar dos meus tíos e das miñas curmás, os Obregón."

 

Plan lector 

AMEAZA NA ANTÁRTIDA, 1º ESO B

 Os de 1º B interpretan a lectura cun mural

INVISIBLE, 2º ESO D

Tamén este grupo se deixou contaxiar por Eloy Moreno e Invisible.

ENFIANDO VERSOS

ESMERALDINA, 1º ESO B

Copiamos aos nosos compis de 6º e imos por Esmeraldina.

DÍA LIBRO, 2023

FOTOGRAFANDO EN 3º A

Este club tamén experimentou o knolling literario con Europa Express.

PREPARANDO A EXCURSIÓN

Como cada ano, pretendemos pechar a nosa actividade cunha excursión. E para que a carga económica sexa mínima para o alumnado, empezamos a vender calendarios, que se deseñaran como axuda á excursión do alumnado de 4º da ESO.

Xa os estamos repartindo e imos dispostos á venta.

Club de lectura de 2º ESO A, con Elena

INVISIBLE, 2º A, OUTRAS FORMAS DE LER

Coa lectura de Invisible, o club de 2º ESO A buscou outra forma de expresión co knolling literario.

E aquí están algúns alumnos levándoo á práctica.

IRIDIUM, 2º A

Francisco Castro convídanos con Iridium. É unha historia de amor. Ou é unha historia de discriminacións e inxustizas. Ou é unha historia sobre a amizade máis aló das dificultades. Ou é unha historia sobre unha raíña do Instagram e un malote moi malo.

Libro que entrou na prestixiona Lista IBBY de Oslo.

LA CHICA QUE PATINA Y EL TONTO QUE LA QUIERE, 2º C

Nesta novela de Andrés Guerrero, Miguel soña con ser debuxante de cómics e está namorado de África. Cando a viu por primeira vez pareceulle a moza máis guapa do mundo e os sábados deixaron de ser simplemente sábados para converterse en maravillosos sábados. África soña con gañar unha medalla olímpica e quere estudar bioloxía mariña. E a primeira vez que viu a Miguel...

Podemos ler xa e tamén seguir a guía de lectura.