xoves, 19 de novembro de 2015

ABIERTO TODA LA NOCHE, ADULTOS

 
Abierto toda la noche, de David Trueba, centrará a nosa charla na reunión do 28 de xaneiro.
Como dixo Ambrose Bierce, «o fogar é o único local aberto toda a noite». E nesta novela o fogar é o dos Belitre, unha familia tan numerosa como disparatada. Nela atopamos a Matías, un neno de doce anos que sofre unha misteriosa enfermidade mental, a un avó entregado á poesía e á relixión, e ata unha parella de desamparadas testemuñas de Xehová.
Se atendemos á crítica:
“Trueba consigue mostrarnos los aspectos más sorprendentes y extravagantes de la vida cotidiana con una espontaneidad perturbadora.”
J. A. Masoliver Ródenas, La Vanguardia

“Trueba es un narrador de gran talento, dotado de un sentido de la fantasía desbordante con un pellizco de ironía que le permite reírse de las aventuras cotidianas de una familia, de cualquier familia del mundo.”
Darmstädter Echo

“Un sentido del humor arrollador.”
Concha García Campoy, El Mundo

luns, 9 de novembro de 2015

GÁRGOLA, 1º C

Gárgola de Carlos Villa Sexto é a primeira elección.
Unha novela de terror na que o realismo da ambientación convive coa presenza do sobrenatural e o inexplicable. Jeremy ten un mal soño que volve unha e outra vez, un horrible pesadelo que está a indicarlle algo. A súa nai morreu en circunstancias estrañas, ao igual que varios amigos do seu pai. ¿Que foi o que ocorreu? ¿Cal é o significado dos seus atroces pesadelos? ¿Quen é ese ser sen rostro que o aborda pola rúa e lle fala do seu pasado? Jeremy vai emprender unha investigación que rematará converténdose nunha dolorosa viaxe cara ao medo.

luns, 2 de novembro de 2015

TES ATA AS 10, 3º A+C

Unha novela trepidante con tres eixos: Vigo, a historia recente e a influencia das lecturas da infancia. Todo engarzado co xénero da busca do enigma, co que Francisco Castro busca enganchar ao lector até a páxina final.
Antonio non daba creto ao correo que viña de entrarlle no seu ordenador. Era de seu pai. O problema é que o seu pai leva morto un día. Así arranca esta trepidante historia de intriga e suspense na que Francisco Castro constrúe unha trama que contén, á súa vez, moitas historias distintas. A través de correos electrónicos, cartas e outra clase de pistas misteriosas e sorprendentes, o seu pai, morto, ou quen está a facerse pasar por el, vai obrigando a que o protagonista investigue un terrible asunto do pasado que quedou sen resolver. Libros misteriosos, vinganzas dende o Máis Alá, historias de amor que hai que manter ocultas..., todo un mollo de asuntos nunha novela que nos vai levar de viaxe pola historia recente de España e Galicia, mais tamén por dentro do corazón dos namorados que o están de verdade.

domingo, 1 de novembro de 2015

LOS MEJORES RELATOS DE TERROR, 4º A+C

Nesta interesante selección reúnense algúns dos mellores contos de terror escritos polos grandes mestres do relato fantástico: Poe, W.W. Jacobs, H. P. Lovecraft, Horacio Quiroga... Un medo que xorde con sutís pinceladas e non con sanguentas descricións.
Pódeos axudar na lectura a proposta de actividades da editorial Alfaguara.
Pasarémolo de medo. Empezamos xa?