xoves, 26 de outubro de 2017

MARTES, DE 9 A 12, 1º C

Jordi Sierra i Fabra con esta novela plantexa unha trama de intriga que ha sorprender ao alumnado do club de 1º C.
Gabriel é obxecto dun secuestro rápido: tres horas, cen mil euros de rescate e unha soa comunicación máis para informar sobre o lugar do intercambio. E Mariasun, a súa noiva, convértese en testemuña dos feitos.
Ela, sen dubidalo nin un segundo, decide perseguir aos secuestradores coa súa motocicleta. Son as 9 da mañá dun martes calquera.

mércores, 25 de outubro de 2017

ESCARLATINA... 1º A+B


Con Escarlatina, a cociñeira defunta de Ledicia Costas, "cociñarán" os de este grupo.
Román é un neno de 11 anos que naceu o día de defuntos. Perdeu ao seu avó e, por culpa da crise, algún dos costumes da súa vida. Polo seu aniversario recibe un inesperado agasallo. Empeza aquí o seu contacto co inframundo. Escarlatina, unha pequena virtuosa da cociña falecida no século XIX lévao ao máis aló, e xuntos deberán elaborar a receita perfecta para vivos e mortos.
A editorial, Xerais, ofrécenos incluso unha guía de lectura.

mércores, 18 de outubro de 2017

SIN NOTICIAS DE GURB, 3º C

Este grupo estrénase con Sin noticias de Gurb de Eduardo Mendoza
Perdido na Barcelona preolímpica, o extraterrestre Gurb pon ao servizo da súa supervivencia a estraña cualidade de adoptar o aspecto que lle apeteza, mentres o seu compañeiro alieníxena inicia a súa procura.
Esta novela apareceu orixinalmente publicada  por entregas no xornal O País no 1990; onde a podemos aínda ler.

xoves, 12 de outubro de 2017

TRISTES ARMAS, 2º

Marina Mayoral cóntanos a historia de dúas nenas exiliadas en Rusia, de dous amigos que se atopan en bandos opostos, dunha muller loitadora... e sobre todo unha historia de amor.
Tristes armas presenta dende un punto de vista sinxelo e profundamente humano algúns episodios da Guerra Civil, desde o punto de vista dos que non combateron, pero que sufriron as súas terribles consecuencias.
Existe tamén, aínda que en castelán, unha proposta de lectura da que se poden aproveitar ideas.