OUTRA AXUDA

MARTA ANTE O ESPELLO, 2º B

Teresa Calo Fontán con Marta ante o espello fará reflexionar aos do club de 2º B

Marta, unha rapaza de case dezasete anos, lembra os últimos meses da súa vida diante do espello. Para ela foi todo un alivio deixar de oír xente facéndolle preguntas, deixar de oír consellos, deixar de oír chorar a súa nai. Mais para Marta foi, sobre todo, un alivio non ter que comer e non ter que facer como que comía, e non ter que vomitar o que comeu para disimular diante da súa familia. O seu desexo é verse reflectida no espello tal como era.Marta ante o espello é un monólogo teatral que aborda con crueza, non exenta de doses de ironía, a difícil situación que viven as rapazas que padecen anorexia ou bulimia, doenzas que poden chegar a provocar a perda do control das súas vidas.
O tema tratado levou ao grupo á busca de materiais audiovisuais sobre a tiranía da beleza. Así descubrimos estes que deron moito xogo nos debates.

PREMIO CLUBS LECTURA

Ledicia Costas foi a gañadora do Premio dos Clubs de Lectura 2016. Premio co que se recoñece aos autores comprometidos coa lingua que, cos seus libros, axudan á construción de lectores.

23 DE ABRIL, DÍA DO LIBRO

Na conmemoración do IV Centenario da morte de Cervantes, a biblioteca organiza unha exposición de carteis elaborados polo alumnado e agasalla un marcapáxinas co préstamo.

Pero ademais, a biblioteca ofrece máis actividades.

"SE EU FOSSE UM LIVRO"

Porque todos poden ser días do libro.

EL SUEÑO DE BERLÍN 2º C

Contaxiados polos de 4º, este grupo tamén se interesou por esta novela que trata a problemática do TOC (trastorno obsesivo compulsivo).

UN MAL NOMBRE, ADULTOS

Foi tal o éxito da primeira parte de Dos amigas que continuamos coa saga de Elena Ferrante. Neste caso, será Un mal nombre, a lectura que nos reúna ante unha boa mesa ou ante un café durante o mes de maio.