FELIZ 2025

VERDADE, 4A

Terminada a primeira parte, imos pola segunda.

Despois de ser absolto do cargo de asasinato, do que fora inxustamente acusado con 14 anos, e de demostrar a súa inocencia, Éric sae do Correccional de Menores. Con todo, a reinserción nunha sociedade cargada de prexuízos vaille resultar aínda máis dura.

Xenia axudoulle a superar unhas barreiras que lle parecían infranqueables, pero será o amor unha forza suficiente para superar as dificultades agora?

Tamén con plan lector.

CLUB DO CÓMIC

 Xa en acción. Entrade na imaxe para ver máis.

BONE, 3B

Imitando aos compañeiros do club de 4º B, leremos Bone de Jeff Smith.

A historia de tres primos -Fone Bone, Phoney e Smiley- expulsados de Boneville e perdidos nun enorme e descoñecido deserto. Tras diversos incidentes reuniranse na cidade de Barrel Haven alleos á conspiración que se tece en torno a eles e sen percatarse de que as súas aventuras só acaban de comezar.

INVISIBLE, 1AC

 Contaxiados polos de 2º B, tamén quixemos ler esta novela.

Nus días, a serie basada nesta novela estréase en Disney+. Podemos ver o  tráiler oficial.

20.000 LEGUAS BAIXO DOS MARES, 1AC

 Estes lectores decidiron recrear novas portadas, con maior ou menor fortuna.

22 SEGUNDOS, 3D

Continuamos con Eva Mejuto e 22 segundos.

"Son Álex, un mozo transexual. Abro este vlog para compartir con vós a miña vida. Quen me coñeza e estea a ver este vídeo entenderá moitas cousas, ou mesmo non comprenderá -ou non quererá comprender- nada. O distinto asusta, dá vertixe porque obriga a cuestionarse tantas cousas... E por iso fago este vídeo, porque non quero ter máis medo, nin vergoña de ser quen son."Antes de que lle dese tempo a pensar, conectou a cámara co ordenador. Vinte e dous segundos. Ese foi o tempo que tardou o arquivo en subir á rede. "22 segundos"

Ficha do libro aquí.

Motivaremos o diálogo con estas curtas sobre os estereotipos e sobre a aceptación dun mesmo.

REDES, 2B

Continuamos con Redes, a segunda parte de Invisible, de Eloy Moreno.

Narra, a través dos ollos dunha adolescente, unha historia que se converteu na realidade de todos nós.

Ela pasa horas vendo as viaxes marabillosas, os corpos perfectos e todos os outfits que se proban cada día os influencers. E séntese mal porque ela non pode levar a vida que ve nas redes, sabe que nunca poderá alcanzar unha felicidade así.

Cantos likes vale a felicidade? Como nos enganan nas redes?

A LEBRE MECÁNICA, 3A

As cousas entre Nana e Corvo ultimamente non van nada ben. Conseguiran construír un mundo onde compartían todo: películas, música, manga, videoxogos... Non querían separarse nunca. Mais iso era antes. Agora Corvo desaparece durante horas e non conta onde vai. Cando Nana lle pregunta que lle pasa, enfádase. No seu grupo de amigos ninguén comprende que lle sucede. Desde que empezou a ir en serio coas apostas semella outro. O que antes era pura diversión converteuse nun pesadelo. Case sen decatarse, Corvo acaba metido nunha rede de problemas da que semella imposible saír.

Conta con ficha de lectura.

FUXE SEN MIRAR PARA ATRÁS, 4B

Velocidade, aventura, vertixe, mareo, pánico, dor.... dúas semanas chegan para cambiarlle a vida a Enrique, o protagonista.

E como di Héitor, «cando se foxe, non hai que mirar cara a atrás».

Luis Leante presenta unha historia que non defraudará. Guía lectura.

.

PEQUEÑAS COSAS, APOIO

Nós tamén temos medos e ímolos controlar igual que os de 2º.

LA INCREÍBLE HISTORIA DE LA ABUELA GÁNSTER, 1B

 Continuamos co libro de David Walliams

SUBNORMAL, 2A

A historia real de Iñaki Zubizarreta, un exxogador de baloncesto que na súa adolescencia sufriu bullying, trasladouse ao cómic "Subnormal".

No epílogo, o protagonista define o bullying como “ese monstro con cara de neno que esnaquiza infancias, marca vidas e, nos casos máis extremos chega a provocar que nenos de pouca idade atenten contra eles mesmos”.

Cando estudaba no instituto, Zubizarreta foi o branco de burlas na súa clase. Sufriu moito, ata o punto que de propuxo quitarse a vida como única escapatoria. Este cómic pretende reflectir algunhas das situacións que viviu na súa adolescencia, para que se coñezan e para concienciar. Ademais, pretende dar ánimos aos mozos e as mozas que estean a ser vítimas de acoso para que o conten.

A vida de Iñaki converteuse nun exemplo de loita contra o acoso escolar. Nos últimos anos viaxou por colexios de España dando sesións para pais, alumnos e profesorado. A súa intención é mostrar esta problemática tal e como é, sen filtros e sen xustificacións. Podedes ver unha das súas intervencións aquí.

O CORAZÓN DA BRANCA DE NEVE, 3D

Para tomar contacto co grupo, en 3º D elixiron esta novela policial e de suspense de Francisco Castro, que xira arredor das pescudas do inspector Hermida para atopar unha bebé roubada a unha rapaza inmigrante.

Un reto para un inspector sagaz, ante o caso máis difícil da súa carreira de investigador.

LOS PASOS DEL MIEDO, 3A

Los pasos del miedo, de Concha López Narváez prométenos comezar con suspense, misterio e tensión.

O primeiro dos dous relatos que contén o libro ten un arranque inquietante, xa que nos sitúa no dormitorio dunha moza que detecta, polo perfume, a presenza dun intruso escondido no armario. O segundo aborda o tema dos soños premonitorios, esas verdadeiras obsesións que acaban condicionando as nosas vidas a modo de profecías  autocumplidas. Nos finais sorprendentes e inesperados, a traizón está presente, no primeiro por parte dun curmán da protagonista e no segundo por parte do propio marido que fai realidade o soño da súa muller para desfacerse dela.

Podemos ver algunha curta desta temática para complementar a lectura.

EL HERRERO DE LA LUNA LLENA, 1B

Esta novela histórica, de María Isabel Molina, preséntanos a Yago de Lavalle, un mozo que domina os segredos da fragua e os metais, pero que se opón ás prácticas supersticiosas do seu gremio, os ferreiros. Como castigo por tal actitude, é obrigado a peregrinar a Santiago de Compostela. A aventura, o amor e o perigo serán só algún dos seus compañeiros de viaxe.

Facemos o camiño con Yago?

Conta cunha guía de lectura.

MENTIRA, 4A

Temos tan boas referencias, que decidimos comezar co primeiro da triloxía de Care Santos.

Xenia loita por sacar as mellores notas, pero ultimamente o seu rendemento académico está baixando. O que ocorre é que Xenia se namorou, pero non dun rapaz do seu redor, senón dunha pantasma, dunha voz que xorde da Internet e coa que comparte a súa paixón pola lectura.

Como o seu amor virtual non quere concertar unha cita, decide localizalo e presentarse ante el por sorpresa. Investigando, descobre que todo é mentira: nin a foto nin o nome do rapaz son reais. Cal é a verdadeira identidade da súa alma xemelga?

Plan lector aquí.

A ter en conta...

Recordade que esta novela forma unha triloxía xunto con Verdade e Medo, que tamén vos están agardando na biblioteca.

INVISIBLE, 2B

Eloy Moreno con Invisible narra, a través dos ollos dun neno, unha historia que podería ser a de calquera de nós.

O libro, ademais, é como un crebacabezas no que o lector non sabe que está a ocorrer ata que aos poucos todo vai tomando forma. Porque... quen non desexou algunha vez ser invisible e quen non desexou algunha vez deixar de selo?

En definitiva, un libro que trata o tema do  bullying desde unha perspectiva distinta: desde a da xente que mira e non actúa.

O autor ofrece incluso unha guía didáctica para traballar a lectura.

MARXINADOS, 2A

Estreámonos con Marxinados, de Pepe Carballude.

Trátase dunha historia de persoas que viven, dalgunha maneira, fóra do mundo. Pero que tamén queren cambialo.

Fálanos dunha estrela do baloncesto que termina traballando como educador no internado onde foi criado; aínda que tamén está alí chamado por unha historia de amor...

20.000 LEGUAS BAIXO DOS MARES, 1AC

 

Cando Verne ideou a construción do Nautilus, escribiu a Hetzel, o seu editor e amigo: «Asegúrolle que a súa arca estará mellor equipada que a de Noé».

Verne, que visitara xa os centros da Terra e do aire, quixo baixar aos abismos do mar. Imaxinou un personaxe épico, o atormentado capitán Nemo, un sabio desengañado da raza humana, que se move por unha desas obsesivas reivindicacións tan típicas da novela de aventuras: a xustiza implacable, non exenta de vinganza, e a humillación do adversario.

Con guía de lectura.

EL SÓTANO, 2C

Eliximos para as nosas reunións a Natasha Preston e El sótano. Se entras, atraparate... así nos anima a propia autora.

Catro mozas encerradas por un secuestrador. Elas son as súas flores, as súas perfectas e puras flores. Pero canto tempo poderán sobrevivir dentro do soto?

Aquí o primeiro capítulo

DIARIO DE GREG, 8. MALA SUERTE, 3B

Os deste grupo queremos saber máis de Greg, personaxe creado por Jeff Kinney e que protagoniza a sexta serie de libros máis vendida de todos os tempos. Por iso nos decidimos polo 8º libro da colección. 

Greg é un preadolescente que estuda a Secundaria. Encántanlle os videoxogos, o manga, o anime, os doritos, os cómics e xogar videoxogos. A súa preocupación maior é o seu nivel de popularidade.

 

Podemos comezar a lectura aquí e ver o trailer da versión cinematográfica de DIsney.

BONE, 4B

Comezamos cun antigo éxito nos clubs de lectura: Bone 1, Lejos de Boneville, de Jeff Smith. Elixida pola revista Time como unha das 10 mellores novelas gráficas de todos os tempos.

A historia de tres primos -Fone Bone, Phoney e Smiley- expulsados de Boneville e perdidos nun enorme e descoñecido deserto. Tras diversos incidentes reuniranse na cidade de Barrel Haven alleos á conspiración que se tece en torno a eles e sen percatarse de que as súas aventuras só acaban de comezar.

Como aperitivo, analizade nesta viñeta con que velocidade lles chega o inverno. Sorprenderanos a nós igual?

OLFATO DE DETECTIVE, 3C

 

Christine Nöstlinger consegue crear, con Olfato de detective, novela de misterio verosímil e adaptada ao seu público.

Aínda que o pareza, Yago non é irmán de Pups, Tete e Wuzi Zwoch, só é o neno da veciña. Pero a verdade é que pasa con elas máis tempo que na súa casa e, cando os Zwoch herdan o chalé dunha tía afastada, ten sentimentos atopados. Si, alégrase por elas… pero, por moi preto que estea a casa nova, xa non será o mesmo.

Con todo, non todo é como as irmás Zwoch soñan. A súa tía tiña moito diñeiro, iso sabíao todo o mundo, pero non aparece por ningunha parte. A casa está en moi malas condicións e os seus pais non poden permitirse restaurala. Por iso Yago, Pups, Tete e Wuzi póñense a buscar entre as cousas da anciá. O diñeiro ten que estar en algures!

A PUNTO!

Estamos xa organizados e dispostos a empezar! O reparto queda deste xeito:

QUEN QUERE?

 

ANIMÁDESVOS?

A TOPE, XA!

 

ABUR!!!!

Xa vedes, a nosa batería precisa descanso e recarga e, para iso, está o verán.

En setembro saberedes de nós!!!

AVALIÁNDONOS 23-24

 

PICA NA IMAXE E RESPONDE Á ENQUISA

DE EXCURSIÓN, 2024

Pechamos actividade, coma sempre, cunha xornada de convivencia intergrupal. Aquí vai un aperitivo.

Máis aquí

XENARO E O MISTERIO DA MOCHILA VERDE, 3B

 

Con esta novela de Mar Guerra, ilustrada por Fernando Llorente, pechamos actividade.

A Xenaro Conese Maiúsculo o que máis lle gusta é xogar coas palabras e ler. Tamén lle gustan os xogos de computador, o xadrez, os cómics, os documentais e a música...; porén, pode parecer un bicho raro porque tamén lle encanta facer de detective e resolver misterios dos que se producen no Universal, o seu colexio.

MULTIVERSO SHAKESPEARE, 1º B

Pechamos con esta obra de teatro de Nando López.

Todo comeza no instituto o día da representación de Julieta e Violeta, un musical escrito por Ángel por petición do seu profesor de Lingua e que se inspira na coñecida traxedia de Shakespeare.

Con todo, ninguén na súa clase confía en que a actuación vaia a saír ben, porque os que acabaron sendo unha traxedia foron os seus ensaios, tan complicados como case todo neste 1º de ESO, no que tiveron que afrontar retos cos que non contaban.

E o día complicarase aínda máis cando, a só unhas horas da estrea, decátanse de que desapareceu Ena, unha das protagonistas da obra…

Recursos para o alumnado e profesorado.

EL PEQUEÑO NICOLÁS, 1A

Esta foi a nova elección: El pequeño Nicolás, de Sempé e Goscinny.

O primeiro dunha serie de libros que protagoniza e narra en primeira persoa Nicolás, un rapaz de 7 ou 8 anos, fillo dunha familia francesa de clase media.

Tamén podedes descargar a guía de actividades e, se queredes practicar o voso francés, aquí está a páxina oficial.

¡MALDITO D.N.I.!, 3C

Con Pepe Carballude e ¡Maldito DNI! rematamos.

Con esta novela chéganos a decisión de morrer legalmente e así vivir á marxe da burocracia moderna. Este desexo, ben doado nun principio, non resulta tan sinxelo e Olimpio Montes pronto comprende o difícil que se fai vivir indocumentado nun mundo controlado pola información.

O ESPÍRITO DO ÚLTIMO VERÁN, 2CD

Susana Vallejo con esta novela permitiranos pechar o club por este curso.

Novela que entrelaza dúas historias paralelas. Unha conta o misterioso soño que obriga a Fran a regresar á casa na que pasaba os veráns, a outra é o relato do último verán "máxico" que pasou alí.

O espírito do último verán chámao para cerrar un episodio aínda non concluído. Porque de súpeto, despois de tantos anos e grazas a ese soño no que aparecía a súa avoa, comprende onde permanece oculto o tesouro. O tesouro da raíña moura.

Lede aquí o primeiro capítulo e algunhas curiosidades.

OS TÍTULOS FAN HISTORIAS, 4AB

 Conmemoramos el día del libro con estas creaciones:

Podedes velos todos aquí.

SUBNORMAL, 2D

Este club quixo crear, a partir desta lectura, un abecedario sobre as condutas ás que hai que poñerlle freo. 

SUBNORMAL, CONTRA O ACOSO de MEPP

LAS AVENTURAS DE LUCKY LUKE, 3B

Volvemos ao cómic da man dun clásico, Lucky Luke. Trátase dunha serie de historietas belga, parte parodia e parte tributo ao mítico Oeste, protagonizada polo vaqueiro homónimo. Creada polo debuxante belga Morris en 1946 contou con múltiples guionistas, entre os que se conta René Goscinny. Despois de Tintin e de Astérix, Lucky Luke é o cómic máis popular de Europa continental.

Lucky Luke - Serie completa con todos os capítulos en español

DÍA DO LIBRO, 2024

Curtametraxe da francesa Julia Simeón, realizadA orixinalmente en 3D, cun estilo de conto de fadas. É unha homenaxe á lectura e aos mundos que recreamos a través dela. A protagonista e o seu gato transformarán unha cabana nun palacio de xogos.

MÁIS RECURSOS AQUÍ

DÍA DO LIBRO

Recursos, exposicións, concursos... moito que ver e facer na biblioteca. Estade atentos ao que se publica no blog. Picade no imaxe.

TRESCATORCEDEZASÉIS, 4AB

 Agora, Rocío Leira tráenos.

«Xogamos?» Ese é o contido dun correo electrónico que un día recibe o profesor Benavides. O matemático acepta o lance e, dende ese intre, terá que desentrañar o misterio que se agocha tras os asasinatos que se están a producir no campus universitario. Coa axuda de Silvia, unha enigmática alumna da facultade de Matemáticas, Benavides deberá resolver os desafíos lóxicos que un intelixente asasino lle vai propor. Mensaxes cifradas, pistas inquietantes e códigos aparentemente irresolubles danse cita nesta aventura chea de intriga na que entrarás de cheo nunha parte da historia das matemáticas. Comeza o xogo!

Con guía de lectura.

SUBNORMAL, 4B

Somos o terceiro grupo que decide ler este cómic. Quedará aí a cousa?

MARXINADOS, 2AB

 Este grupo tamén se deixou contaxiar polos outros 2º e... a por Marxinados!!!

APOIO

Os de 1º B leron Déixao medrar, e agora, podemos escoitar que lle pareceu a lectura a María, Lucas e Isabel.

¡VAICHE BOA!, 3B

Vaiche boa de Paul Jennings. Unha morea de historias alucinantes que hai que gozar e ler con cautela: unha barra de labios que volve tolas ás rapazas, uns calzóns que proporcionan calidades prodixiosas a quen os pon, o esterco dun xardiñeiro afeccionado que produce unha praga de moscas, unha cola milagrosa que, despois de catro horas, deixa de funcionar. Un esqulete no retrete e osos que camiñan pola praia... Vaiche boa!

UNHA ESTRELA NO VENTO, 3ºC

O grupo de lectura de 3° C analizou o cambio das letras das cancións no tempo. Así, despois de ler "Unha estrela no vento", escoitaron as cancións que introducen algúns capítulos,  para comparalas coas música que eles mismos escoitan.

RECINTO GRIS, 4A

Continuamos con Ledicia Costas en Recinto Gris.

Tras unha día de galerna, Cidade Vii foi invadida por un exercito adestrado para conseguir unha cidade perfecta. Aqueles soldados altísimos de uniforme negro e cabeza de lobo peiteaban o territorio, rexistraban cada casa, non deixaban nada ao chou. Tiñan instrucións moi claras que cumprir: colleren aqueles que perturbaban o equilibrio social, ás persoas consideradas diferentes, metelas nos camións e trasladalas a Recinto Gris, un lugar habilitado para aloxar os que non encaixaban no seu deseño. Aqueles soldados lobos presentáronse na casa de Nube, unha rapaza incapaz de mentir, coa intención de levala.

Material complementario.

ENFIANDO VERSOS II

Picade na imaxe e podedes ir vendo a información que actualizan dende biblioteca.

 

DÉIXAO MEDRAR, APOIO

Paio e o fútbol serán os protagonistas desta entrega de Silvestre Gómez Xurxo.

Paio ten catorce anos e é moi bo xogando ó fútbol. As persoas que están a carón do rapaz manteñen discursos diferentes: o seu pai cre que pode chegar ata o máis alto e facerse rico e famoso; súa nai, o mesmo que o adestrador do equipo, desexa que Paio xogue e se divirta sen pensar en condicionantes extradeportivos. E ademais está Ana, a rapaza coa que anda a vivir unha tenra e emotiva historia de amor, de quen Paio non ten interese ningún en separarse. O conflicto xorde cando un equipo dos grandes se interesa seriamente pola súa fichaxe.

Temos tamén unha guía de lectura.

Para motivar podedes ver esta película que tedes na biblioteca ou en Orientación.

EL SÓTANO, 1º C

Este grupo tamén quere entrar no lado escuro do psicópata desta novela, da que tanto falan os de 1º ESO A.

BOOKTRAILER

Alumnos de 4º lanzáronse á produción cinematográfica, sen dúbida, con éxito. Mirade algúns.

BONE 2, 3B

BONE 2 de Jeff Smith

 

Intrigados co Bone 1, deciden ler a súa continuación: Bone 2 La gran carrera de vacas.
Aparecerá de novo o dragón? Coñeceremos que une a Phoney co líder das mostrorratas? Chegarán a Boneville?
Coñeceremos a resposta a estas preguntas ou teremos que seguir lendo os nove tomos da serie?